නවතම පුවත්

මෙරට අධ්‍යාපන ක්ෂේත්‍රයේ සංවර්ධනය උදෙසා අධ්‍යාපන නවීකරණ ව්‍යාපෘතිය ක්‍රියාත්මක කිරීමට සහනදායී ණය පදනම මත ඇමරිකානු ඩොලර් මිලියන 100ක් ප්‍රදානය කිරීමට ලෝක බැංකුව එකඟ වී තිබෙනවා.

2018-2024 කාලසීමාව තුළ මෙම ව්‍යාපෘතිය ක්‍රියාත්මක කිරීමට නියමිතයි.

මෙම ව්‍යාපෘතියේ සමාරම්භය අද (22) අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදුකෙරුණා.

 

ප්‍රාථමික හා ද්විතීයික අධ්‍යාපනයේ ගුණාත්මකභාවය ඉහළ නැංවීමේ මූලික අරමුණි‍න් ආරම්භ කෙරෙන මෙම ව්‍යාපෘතිය පහත සඳහන් වැඩසටහන් හරහා ඉදිරි වසර 5 තුළ ක්‍රියාත්මක කිරීමට අපේක්ෂිතයි.

ඒ අනුව, ප්‍රාථමික හා ද්විතීයික අධ්‍යාපනයේ ගුණාත්මකභාවය ඉහළ නැංවීම යටතේ, විෂයමාලා නවීකරණය හා විවිධාංගීකරණයටත්, ගුරු සංවර්ධනයටත්, පාසල් පද්ධතියේ ගුණාත්මකභාවය තක්සේරුකරණයටත්, පාසල් නඟාසිටුවීමේ වැඩසටහන බලගැන්වීමටත්, අධ්‍යාපන නායකත්වය හා කළමනාකරණය දියත් කිරීමටත්, අධ්‍යාපනය තුළින් සමාජ සාධාරණත්වය හා අන්තර්කරණය ප්‍රවර්ධනය කිරීමටත් අදාළ ව සැලසුම් කළ වැඩසටහන් හා ක්‍රියාමාර්ග ඉදිරි වසර පහ තුළ ක්‍රියාවට නැංවීමට කටයුතු යොදා තිබෙනවා.

2020 තිරසර සංවර්ධන අරමුණු සාක්ෂාත් කරගැනීමට හා බලගතු ශ්‍රී ලංකාවක් ගොඩනැඟීම සඳහා වන 2025 දැක්මට අනුකූල ව එම අරමුණු ළඟා කරගැනීමට ද මෙම ව්‍යාපෘතිය හරහා දායකත්වය ලැබෙන අතර, මෙම ව්‍යාපෘතිය අධ්‍යාපන අමාත්‍යාංශය, හා ඊට අදාළ ජාතික මට්ටමේ අනෙකුත් ආයතන, හා පළාත් අධ්‍යාපන ‍ආයතනවල සහයෝගීත්වයෙන් ක්‍රියාත්මක කිරීමට නියමිතයි.

<

 

දැයේ දරුවන්ගේ අනාගතය වෙනුවෙන් මෙරට අධ්‍යාපන පද්ධතිය තුළ ගුරුභවතුන් හා විදුහල්පතිවරුන් කැපවීමෙන් හා දිරියෙන් සිදු කළ සේවයට නිසි උපහාර දක්වන්නට අධ්‍යාපන අමාත්‍යංශය විසින් වාර්ෂික ව සංවිධානය කරනු ලබන “ ගුරු ප්‍රතිභා ප්‍රභා ” ගුරු හා විදුහල්පති ඇගයීම් උළෙල අද ( 05) කොළඹ බණ්ඩාරනායක සම්මන්ත්‍රණ ශාලාවේ දී පැවැත් වුණා.

‘ජාතියක අනාගත ආයෝජනය ගුරුවරුන්ය’ යන්න මෙවර ගුරු ප්‍රතිභා ප්‍රභා ඇගයීම් උළෙලෙහි තේමාවයි.

අධ්‍යාපන අමාත්‍ය අකිල විරාජ් කාරියවසම් මහතාගේ සහභාගීත්වයෙන් මෙම ගුරු ප්‍රතිභා ප්‍රභා ඇගයීම් උළෙල පැවැත්වුණා.

මෙවර ප්‍රණාම ලබන ගුරුභවතුන් සංඛ්‍යාව 380ක් වන අතර, අධ්‍යාපන අමාත්‍යංශය විසින් නිකුත් කර ඇති චක්‍රලේඛ හා උපදෙස් අනුව මෙම ඇගයීම සඳහා විදුහල්පතිවරුන් හා ගුරුවරුන් තෝරාගෙන තිබෙනවා.

1 AB, 1C, 2 වර්ගය හා 3 වර්ගය ලෙස පවත්නා පාසල් වර්ගීකරණය, එමෙන්ම ශිෂ්‍ය සාධනය සංවර්ධනය කිරීමෙහි ලා දක්වා ඇති අතිරේක දායකත්වය, විෂය සමගාමී කටයුතු, ශිෂ්‍ය සුබසාධනය, සිසු ජයග්‍රහණ උදෙසා ලබා දී ඇති සහය, ව්‍යාපෘති, පර්යේෂණ, නව නිර්මාණ, භෞතික සම්පත් සංවර්ධනය, ඉගෙනුම් ඉගැන්වීම් සංවර්ධනය හා අධ්‍යාපන පද්ධතිය තුළ සම්පත් දායකත්වය, යන කරුණු පදනම් කරගනිමින් සකස් කරගනු ලැබු නිර්ණායක කෙරෙහි මෙම ඇගයීම් ක්‍රියාවලියේ දී අවධානය යොමු කර තිබෙනවා.

සෙසු සියලු වෘත්තිකයන් අතර සුවිශේෂී වැදගත්කමකින් යුත් වෘත්තිකයන් ලෙස ගුරුවරුන් සහ විදුහල්පතිවරුන්හට ඇති සමාජීය පිළිගැනීම වඩාත් ගෞරවනීය මට්ටමකට ගෙන යාමත්, වඩා ඵලදායී හා කාර්යක්ෂම සේවයක් සඳහා ගුරුවරුන් සහ විදුහල්පතිවරුන් පෙළඹවීම හා දිරිමත් කිරීමත් මෙම ජාතික ප්‍රණාම උලෙළෙහි අරමුණු අතර වනවා.

ඒ ඔස්සේ නව අධ්‍යාපන ව්‍යවහාර සාර්ථක අයුරින් ක්‍රියාවට නංවමින් පාසල් අධ්‍යාපනයේ ගුණාත්මක බව ඉහළ නැංවීමත් සමඟම සිසු - ගුරු - මාපිය සබඳතා තහවුරු කරගැනීම අධ්‍යාපන අමාත්‍යංශයේ අපේක්ෂාවයි.

කොළඹ රාජකීය විද්‍යාලය විසින් සංවිධානය කරනු ලබන නව නිපැයුම් ප්‍රදර්ශනය “ස්පාක් 18” අද ( 25 ) විදුහල් පරිශ්‍රයේදී ආරම්භ වුණා.

මෙම ප්‍රදර්ශනය සැප්තැම්බර් 28 වැනිදා දක්වා පැවැත්වීමට නියමිතයි.

ජනපති ලේකම් කාර්යාලය, අග්‍රාමාත්‍ය කාර්යාලය, අධ්‍යාපන අමාත්‍යංශය, විද්‍යා තාක්ෂණ හා පර්යේෂණ අමාත්‍යංශය, මුදල් සහ ජනමාධ්‍ය අමාත්‍යංශය අනුමැතිය යටතේ සංවිධාන කරනු ලබන මෙම ප්‍රදර්ශනය අද ආරම්භ කෙරුණේ අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙනුයි.

“ස්පාක්’18” උදෑසන 9 සිට සවස 3.30 දක්වා මහජනතාව වෙනුවෙන් නොමිලේ විවෘතව තිබෙනවා.

අනාගත පරම්පරාවේ පරිකල්පන ශක්තිය ඉහළ නැංවීම අරමුණු කරගනිමින් සංවිධාන කරනු ලබන මෙම ප්‍රදර්ශනය සඳහා නව නිෂ්පාදන 600 කට අධික ප්‍රමාණයක් ඉදිරිපත් කරනු ලැබ ඇති අතර නවතම පර්යේෂණ සහ සංවර්ධන ව්‍යාපෘති සමඟින් ත්‍රිවිධ හමුදාව ද “ස්පාක්’18” සමඟින් එක්ව සිටිනවා.

 


ශිෂ්‍යත්ව විභාගය සම්බන්ධයෙන් සමාලෝචනය කිරීමට කමිටුවක් පත් කිරීමට කටයුතු කරන බව අධ්‍යාපන අමාත්‍ය අකිල විරාජ් කාරියවසම් මහතා පවසනවා.

134 වන කන්නන්ගර ජන්ම දිනය සමරමින් හේවාහැට මධ්‍ය විද්‍යාලයේදී පැවති උත්සවය අමතමින් අමාත්‍යවරයා මේ බව සඳහන් කළා.


එම උත්සවයේ ඡායාරූප සහ අධ්‍යාපන අමාත්‍ය අකිල විරාජ් කාරියවසම් මහතා කළ ප්‍රකාශය මේ සමග නැරඹිය හැකියි.




මෙරට අධ්‍යාපනය නගා සිටුවීම සඳහා ක්‍රියාත්මක වැඩසටහන් රැසක් සඳහා අධ්‍යාපන අමාත්‍ය අකිල විරාජ් කාරියවසම් මහතා පසුගිය සති අන්තයේදී ත් සහභාගී වුණා.

ඒ අනුව නිපුනතා සහිත ගුරු පරපුරක් බිහි කිරීම අරමුණු කර ගනිමින් ගිරිඋල්ල ගුරු සංවර්ධන වෘත්තීය මධ්‍යස්ථානය අධ්‍යාපන අමාත්‍ය අකිල විරාජ් කාරියවසම් මහතා විසින් විවෘත කරනු ලැබුවේ ඊයේ (29) දිනයේදීයි.

මේ අතර ගිරිඋල්ල වික්‍රමශීලා මධ්‍ය මහා විද්‍යාලයේ ත්‍යාග ප්‍රදානෝත්සවය සහ ගොඩනැගිල්ලක් සඳහා මුල් ගල තැබීමද අධ්‍යාපන අමාත්‍ය අකිල විරාජ් කාරියවසම් මහතාගේ සහභාගීත්වයෙන් පැවැත්වුණා.

'ළඟම පාසල හොඳම පාසල' සංකල්පය යටතේ ගිරිඋල්ල ගල්ගම්මුල්ල මයුරාවතී මහ විද්‍යාලයේ ඉදිකළ දෙමහල් ගොඩනැගිල්ල විවෘත කිරීම සිදුවූයේ ද අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන්.

එම අවස්ථාවල ඡායාරූප මේ සමග දැක්වෙනවා.

'ළඟම පාසල හොඳම පාසල' සංකල්පය යටතේ ගිරිඋල්ල ගල්ගම්මුල්ල මයුරාවතී මහ විද්‍යාලයේ ඉදිකළ දෙමහල් ගොඩනැගිල්ල විවෘත කිරීම 

 

 

 

 

 

 

 

 

 

 

 

 

 

 

 

 

 


ගිරිඋල්ල වික්‍රමශීලා මධ්‍ය මහා විද්‍යාලයේ ත්‍යාග ප්‍රදානෝත්සවය සහ ගොඩනැගිල්ලක් සඳහා මුල් ගල තැබීම

 

 

 

 

 

 

 

 

 

 


ගිරිඋල්ල ගුරු සංවර්ධන වෘත්තීය මධ්‍යස්ථානය අධ්‍යාපන අමාත්‍ය අකිල විරාජ් කාරියවසම් මහතා විසින් විවෘත කරනු ලැබුවේ ඊයේ (29) දිනයේදීයි.

 

 

 

 

 

 

අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් ගෙවුණු සති අන්තයේදී මහජන සුබ සාධන වැඩසටහන් රැසක් ක්‍රියාත්මක වුණා.

එම වැඩසටහන්වල ඡායාරූප පහතින් දැක්වෙනවා.



ඉහළ දියදොර හොරව්වකඩ පාලම විවෘත කළ අවස්ථාව




දියදොර ශ්‍රී ධම්මරතන කනිෂ්ඨ විදුහලේ ගොඩනැගිල්ලට මුල්ගල තැබීම






රිදීගම පානගමුව අන් නූර් මධ්‍ය මහ විද්‍යාලයේ තාක්ෂණ විද්‍යාගාරය සිසු අයිතියට පත්කළ අවස්ථාව






අධ්‍යාපන අමාත්‍ය අකිල විරාජ් කාරියවසම් මහතා ගෝනිගොඩ මහ විද්‍යාලයේ තෙමහල් ගොඩනැගිල්ල සිසු අයිතියට පත්කළ අවස්ථාව







 
 
විෂය මාලා සංශෝධනය කරමින්, විෂය අන්තර්ගතයන්හි හඳුනාගත් වෙනස්කම් සිදුකරමින් මෙරට අධ්‍යාපන පද්ධතිය නවීකරණයට පියවර ගන්නා බව අධ්‍යාපන අමාත්‍ය අකිල විරාජ් කාරියවසම් මහතා සඳහන් කරනවා.
 
විෂය මාලා සංවර්ධන කටයුතු වෙනුවෙන් වගකීම් දරන ජාතික අධ්‍යාපන ආයතනය වෙත මේ සම්බන්ධව අවශ්‍ය උපදෙස් හා මගපෙන්වීම් මේ වනවිටත් ලබා දී ඇති බවත්, අධ්‍යාපන මනෝවිද්‍යාඥයින්, අධ්‍යාපනඥයින් ඇතුළු අධ්‍යාපන ක්ෂේත්‍රයේ විද්වතුන්ගෙන් ලබාගත් අදහස්, යෝජනා, නිර්දේශ සහ උපදෙස් අනුව පාසල් විෂය මාලා සංශෝධන හා එක් එක් විෂය අන්තර්ගතයන්හි සිදුකළ යුතු අත්‍යවශ්‍ය වෙනස්කම් සිදුකිරීමට පියවර ගන්නා බවද අමාත්‍යවරයා පැවසුවා.
 
බම්බලපිටියේ හින්දු විද්‍යාලයේ පැවති  වාර්ෂික ත්‍යාග ප්‍රදානෝත්සවය හා නව තෙමහල් ගොඩනැගිල්ලට මුල්ගල තැබීමේ උත්සවයට එක්වෙමින් අධ්‍යාපන අමාත්‍යවරයා මේ අදහස් පළ කළා.
රටේ සියලු පාසල් පහසුකම් සපිරි පාසල්බවට පත්කරමින්, වඩාත් ගුණාත්මක ඉගෙනුම් අවස්ථා සියලු දරුවන්ට අත්පත්කරදීම වෙනුවෙන් අධ්‍යාපන අමාත්‍යතුමන්ගේ සංකල්පයක් අනුව ක්‍රියාවට නැංවෙන ළඟම පාසල හොඳම පාසල වැඩසටහන යටතේ රුපියල් මිලියන 250ක ප්‍රතිපාදනයෙන් මෙම තෙමහල් ගොඩනැගිල්ල ඉදිකිරීමට යෝජිතයි.
 
 

කුරුණෑගල නගරය ආශ්‍රිතව පවතින අධික සිසු ගහණයට විසඳුමක් ලෙස නගරය ආශ්‍රිතව අති නවීන පහසුකම්වලින් සමන්විත නව ජාතික පාසල් දෙකක් ඉදිකිරීමට අග්‍රාමාත්‍ය රනිල් වික්‍රමසිංහ මහතාගේ මග පෙන්වීම අනුව සැලසුම් කළ බවත් ඒ අතරින් පළමුවැන්න එළඹෙන වසර ආරම්භයේ දී සිසු අයිතියට පත්කිරීමට හැකි බවත් අධ්‍යාපන අමාත්‍ය අකිල විරාජ් කාරියවසම් මහතා පැවසුවා.

 

ඊයේ (26) කුරුණෑගල මලියදේව බාලිකා විද්‍යාලයේ ළඟම පාසල හොඳම පාසල ව්‍යාපෘතිය යටතේ ඉදිකරන ලද නව තෙමහල් ගොඩනැගිල්ල සිසු අයිතියට පත් කිරීමේ සහ විදුහලේ වාර්ෂික ත්‍යාග ප්‍රදානෝත්සවයට එක්වෙමින් අමාත්‍යවරයා මේ බව සඳහන් කළා.

 

නගරය ආශ්‍රිතව පිහිටා තිබුණ ද සිසු දරුවන්ට ඉගෙනගැනීමට ප්‍රමාණවත් පරිදි පන්ති කාමර පහසුකම් නොමැතිව තිබූ මලියදේව බාලිකා විදුහල මෙන් ම දිවයින පුරා සියලුම පාසල්වල පහසුකම් ඉහළ නැංවීම වෙනුවෙන් ක්‍රියාත්මක ළඟම පාසල හොඳම පාසල වැඩසටහන යටතේ මේ වන විටත් පාසල් 9,000 කට අධික ප්‍රමාණයක සංවර්ධන කටයුතු සිදු කරමින් සිටින බව ද අමාත්‍යවරයා පෙන්වා දුන්නා.

 

සිසුන්ගේ ආරක්ෂාව වෙනුවෙන් හඳුන්වා දී ඇති සුරක්ෂා රක්ෂණාවරණය යටතේ සෑම සිසු දරුවකුටම රුපියල් ලක්ෂ දෙකක නොමිලේ රක්ෂණාවරණයක් ලබා දී ඇති බව ද සිහිපත් කළ අධ්‍යාපන අමාත්‍ය අකිල විරාජ් කාරියවසම් මහතා මීට අමතරව විධිමත් ක්‍රමවේද අනුව නවක විදුහල්පතිවරුන් බඳවාගැනීමටත් අධ්‍යාපන පරිපාලන සේවයේ පැවති පුරප්පාඩු සම්පූර්ණ කිරීමටත් ගුරු අධ්‍යාපනඥයින් බඳවාගැනීමටත් විෂයමාලාව මෙන් ම විභාග ක්‍රමය නවීකරණය කිරීමටත් පියවර ගත් බව ද පැවසුවා.

අග්‍රාමාත්‍ය රනිල් වික්‍රමසිංහ මහතා ප්‍රධාන ආරාධිතයා ලෙස එක් වූ මෙම උත්සව අවස්ථාවට මැති ඇමතිවරුන් ඇතුළු පිරිසක් එක් ව සිටියා.

 

දිවංගත ජේ.ආර්.ජයවර්ධන ශ්‍රීමතාණන්ගේ 112 වන ජන්ම දින සැමරුමක් ඊයේ (17) පෙරවරුවේ පැවැත්වූයේ පිටකෝට්ටේ පිහිටි ජාතික සේවක සංගම් මූලස්ථානයේ දී. එක්සත් ජාතික පක්ෂ මහ ලේකම් අමාත්‍ය අකිල විරාජ් කාරියවසම් මහතාගේ ප්‍රධානත්වයෙන්.

ජේ.ආර්.ජයවර්ධන ශ්‍රීමතාණන්ගේ පිළිරුවට පුෂ්පෝපහාර දැක්වීමෙන් අනතුරුව මාධ්‍ය ඇමතූ එක්සත් ජාතික පක්ෂ මහ ලේකම් අකිල විරාජ් කාරියවසම් මහතා සඳහන් කළේ 2010 දී රාජ්‍ය නායකත්වය සහිත එක්සත් ජාතික පක්ෂ රජයක් බලයට ගෙන එන බවයි.

ජනතාව 1977 වසරේ දී එක්සත් ජාතික පක්ෂ රජය ලබා දුන් සහන සහ රැකී රක්ෂා අවස්ථා පිළිබඳ අදටත් සිහිපත් කරන බව පෙන්වා දුන් මහලේකම්වරයා, ඉදිරියේ දී තවදුරටත් එක්සත් ජාතික පාක්ෂිකයන් ප්‍රමුඛ සියලු දෙනාට සහන ලබාදීමේ වැඩපිළිවෙල ශක්තිමත්ව සහ වේගවත්ව ක්‍රියාවට නංවන බව ද සඳහන් කළා.

ඒ සඳහා ජේ.ආර්. ජයවර්ධන මැතිතුමන් ලබා දුන් ආදර්ශය ද ප්‍රයෝජනයට ගැනීමේ අවශ්‍යතාවය ද සිහිපත් කළ අමාත්‍ය අකිල විරාජ් කාරියවසම් මහතා 1994 න් පසු ගිලිහී ගිය රාජ්‍ය නායකත්ව 2020 දී යළි ලබා ගැනීමේ මෙහෙයුම දැනටමත් ආරම්භ කර ඇති බව ද අවධාරණය කළා.

 

 

 

2018 සමස්ත ලංකා පාසල් ක්‍රීඩා තරගාවලියේ සමාප්ති උත්සවය පසුගිය සති අන්තයේ කොළඹ සුගතදාස ගෘහස්ථ ක්‍රීඩාංගනයේ දී පැවැත්වුණා.

ඒ, ජනාධිපති මෛත්‍රීපාල සිරිසේන මහතාගේ සහ අධ්‍යාපන අමාත්‍ය අකිල විරාජ් කාරියවසම් මහතාගේ සහභාගීත්වයෙන්.

මෙරට හතළිස් පන් ලක්ෂයක් වූ පාසල් සිසු දරු දැරියන්ගේ ශාරිරික සුවතාව හා ක්‍රීඩා කෞශල්‍යය නගාසිටුවීම හා ජාතික හා ජාත්‍යන්තර ක්‍රීඩක ක්‍රීඩිකාවන් හදුනාගෙන ඔවුන්ගේ නිසග හැකියාවන් ඔප මට්ටම් කරන, සමස්ත ලංකා පාසල් ක්‍රීඩා උලෙළ 34 වන වරටත් ඔක්තෝබර් 01 දා සිට 05 වනදා දක්වා කොළඹ සුගතදාස ගෘහස්ථ ක්‍රීඩාංගනයේ දී පැවැත්වුණා.

මෙරට පාසල් දූ දරුවන් 39,000 කට අධික පිරිසක් මෙවර තරගාවලිය සඳහා එක්ව සිටියා.

(2018 සමස්ත ලංකා මළල ක්‍රීඩා ශූරතාවය - බස්නාහිර පළාත
2018 සමස්ත ලංකා මළල ක්‍රීඩා දක්ෂතම ක්‍රීඩකයා - කුරුණෑගල මලියදේව විදුහලේ පී .එල්.කොඩිකාර
දක්ෂතම ක්‍රීඩිකාව - රාජිගිරිය ගේට්වේ ජාත්‍යන්තර පාසලේ ආර් .ආර් කුරේ
2018 සමස්ථ ලංකා මළල ක්‍රීඩා ශූරතාවලියේ විශිෂ්ඨතම පාසල- කොළඹ විශාකා විද්‍යාලය

 

34 වන සමස්ත ලංකා පාසල් ක්‍රීඩා උළෙලේ මලල ක්‍රීඩා තරග ඔක්තෝම්බර් මස පළමු දින සිට 05 වන දින දක්වා කොළඹ සුගතදාස ක්‍රීඩාංගනයේ දී පැවැත්වීමට නියමිතයි.

 

සමාරම්භක උළෙලේ ප්‍රධාන අමුත්තා ලෙසින් 1984 වසරේ එවකට අධ්‍යාපන ඇමතිවරයා වශයෙන් සමස්ත ලංකා පාසල් ක්‍රීඩා උළෙල ආරම්භ කරනු ලැබූ වත්මන් අග්‍රාමාත්‍ය රනිල් වික්‍රමසිංහ මහතා සහභාගී වීමට නියමිත අතර උළෙලේ අවසන් උත්සවය ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවැත්වීමට නියමිතයි..

 

මේ සම්බන්ධයෙන් කරුණු දැනුම් දීම සඳහා මාධ්‍ය හමුවක් අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් ඊයේ (25) කොළඹ ඔලිම්පික් නිවහනේ දී පැවැත්වුණා.

 

මෙහිදී අදහස් දක්වමින් අධ්‍යාපන අමාත්‍යංශයේ ක්‍රීඩා හා ශාරීරික අධ්‍යාපන උපදේශක සුනිල් ජයවීර මහතා සඳහන් කළේ මෙවර තරගාවලිය සදහා ක්‍රීඩක ක්‍රීඩිකාවන් 39000ක් සහභාගී වන බවයි. මලල ක්‍රීඩා තරග සඳහා පමණක් සහභාගී වන ක්‍රීඩක ක්‍රීඩිකාවන් සංඛ්‍යාව 6,000 කට අධිකයි.

 

ඇදවැටී තිබූ පාසල් ක්‍රීඩා යළිත් නගාසිටුවීම සඳහා වත්මන් අධ්‍යාපන අමාත්‍යවරයාගේ උපදෙස් මත 2015 වසරේ සිට අධ්‍යාපන අමාත්‍යංශය කටයුතු කළ අතර, මේ වනවිට ආසියාවේ හොඳම කනිෂ්ඨ මලල ක්‍රීඩා කණ්ඩායම සිටින්නේ ශ්‍රී ලංකාවේ බව සුනිල් ජයවීර මහතා මෙහිදී පෙන්වා දුන්නා.

 

ක්‍රිකට් ක්‍රීඩාව යළිත් දියුණු කිරීම සඳහා ද අධ්‍යාපන අමාත්‍ය අකිල විරාජ් කාරියවසම් මහතා වැඩපිළිවෙලක් සකස් කළ බව පෙන්වා දුන් ඒ මහතා ප්‍රධාන පෙළේ ක්‍රිකට් ක්‍රීඩකයන් ඒ සඳහා සිය සහාය දෙමින් අධ්‍යාපන අමාත්‍යංශය සමග මේවන විට කටයුතු කරන බව පෙන්වා දුන්නා.

 

 

දහතුන් වසරක සහතික කළ අධ්‍යාපන ක්‍රමය මගින් ද පාසල් මට්ටමින් ක්‍රීඩා සඳහා දක්ෂතා දක්වන ක්‍රීඩක ක්‍රීඩිකාවන්ට ඉදිරියට ගොස් අධ්‍යාපනය ලැබීමේ වරම හිමිවන බව අධ්‍යාපන අමාත්‍යංශයේ ක්‍රීඩා හා ශාරීරික අධ්‍යාපන උපදේශක සුනිල් ජයවීර මහතා මෙහිදී වැඩි දුරටත් කියා සිටියා.

 

වත්මන් අධ්‍යාපන අමාත්‍යතුමන් පාසල් ක්‍රීඩාව නංවාලීම වෙනුවෙන් ගෙන ඇති ක්‍රියාමාර්ග පිළිබද පැහැදිලි කළ ඒ මහතා ඒවායේ සාර්ථක ප්‍රතිඵල තවත් වසර කිහිපයක් ඇතුළත දැකගත හැකිවනු ඇති බව ද සඳහන් කළා.

 

මෙම මාධ්‍ය හමුව අමතමින් අධ්‍යාපන අමාත්‍ය අකිල විරාජ් කාරියවසම් මහතා ක්‍රිකට් ක්‍රීඩාවේ බරපතල කඩා වැටීමක් ඇති බවත් ඒ සඳහා ඇතැමුන්ගේ අනවශ්‍ය ඇඟිලිගැසීම් බලපා ඇති බවත් පෙන්වා දුන්නා.

 

ක්‍රිකට් පාලක මණ්ඩලය යොදා ගනිමින් තමන්ගේ ගොඩ වැඩිකර ගැනීමට සහ ව්‍යාපාර කිරීමට මෙන්ම තමන්ට අවශ්‍ය ක්‍රීඩකයන් කණ්ඩායමට ඇතුළත් කිරීමට ඇතැම් පිරිස් කටයුතු කරන බවටයි, එහිදී අමාත්‍යවරයා චෝදනා කළේ.

 

ක්‍රිකට් ක්‍රීඩාව පරිහානියට පත්වීම බලා සිටිනු නොහැකිව පාසල් මට්ටමින් හෝ ක්‍රිකට් නගා සිටුවීම සඳහා තමන් ප්‍රවීණ ක්‍රීඩකයන්ට ඒ සඳහා ආරාධනා කළ අතර සියල්ලන්ම ඒ සඳහා පැමිණ සහාය දැක්වූ බවත් අධ්‍යාපන අමාත්‍ය අකිල විරාජ් කාරියවසම් මහතා මෙහිදී ස්තුති පූර්වකව සඳහන් කළා.

 

පිහිනුම් ක්‍රීඩක අකලංක පීරිස්ට විදෙස් රටක සිට උසස් පෙළ විභාගයට පෙනී සිටීම සඳහා අවස්ථාව ලබා දුන්නේ ද ක්‍රීඩාවට දක්ෂයන් සඳහා දිරිය ලබා දීමේ අරමුණ ඇතිව බව පෙන්වා දුන් අමාත්‍යවරයා, ඇතැම් විට එම තීරණය විවේචනය කිරීමට ඇතැමුන් පෙළඹිය හැකි වුවද ක්‍රීඩාව වෙනුවෙන් නොබියව තමා එම තීරණය ගත් බවයි සඳහන් කළේ.

 

ශ්‍රියානි කුලවංශ මහත්මියට උපාධියක් හැදෑරීම සඳහා පසුගිය කාලයේදී අවස්ථාව ලබා නොදී තිබූ බවත් රටට කීර්තියක් ලබා දුන් ඇයට එම උපාධිය හැදෑරීම සඳහා අවශ්‍ය කටයුතු සම්පාදනය කිරීමට තමන් පියවර ගත් බවත් සදහන් කළ අමාත්‍යවරයා, ක්‍රීඩාව සඳහා කැපවීම ඇති අයට අධ්‍යාපන අවස්ථා ලබා ගැනීමට ඉඩකඩ ලබා දිය යුතු බව ද පෙන්වා දුන්නා..

 

ජාතික සහ ජාත්‍යන්තර ජයග්‍රහණ ලැබුවන් 3850 දෙනෙකු ක්‍රීඩා පුහුණුකරුවන් ලෙස පද්ධතියට එක්කර ගැනීම සදහා මේ වනවිට තෝරා ගෙන ඇතත්, එම පිරිස් බඳවා ගැනීම සම්බන්ධයෙන් පළාත් සභා මගින් විරෝධතා එල්ල වීම නිසා අදාළ බඳවා ගැනීම් ප්‍රමාද වූ බව පෙන්වා දුන් අමාත්‍යවරයා ඉදිරි සතියේ කැබිනට් මණ්ඩලයට ඉදිරිපත් කර අදාළ පිරිස් කඩිනමින් බඳවා ගන්නා බව කියා සිටියා.

 

අධ්‍යාපන අමාත්‍යංශයේ ලේකම් සුනිල් හෙට්ටිආරච්චි ,අධ්‍යාපන අමාත්‍යංශයේ ක්‍රීඩා හා ශාරීරික අධ්‍යාපන උපදේශක සුනිල් ජයවීර සහ අධ්‍යාපන අමාත්‍යාංශයේ ක්‍රීඩා හා ශාරීරික අධ්‍යාපන අධ්‍යක්ෂ මංජුල කාරියවසම් යන මහත්වරුන් ද මෙම අවස්ථාවට එක්ව සිටියා.

 

 

පුත්තලම දිස්ත්‍රික් එක්සත් ජාතික පක්ෂ බලමණ්ඩලය පක්ෂයේ නායක අග්‍රාමාත්‍ය රනිල් වික්‍රමසිංහ මහතාගේ සහ පක්ෂයේ මහ ලේකම් අධ්‍යාපන අමාත්‍ය අකිල විරාජ් කාරියවසම් මහතාගේ සහභාගීත්වයෙන් පසුගිය සෙනසුරාදා (08) පැවැත්වුණා.

එම අවස්ථාවට එක්සත් ජාතික පක්ෂයේ මැති ඇමතිවරු රැසක් එක්ව සිටියා.

මේ අතර මහනුවර දිස්ත්‍රික් සම්බන්ධිකරණ කමිටුව ඊයේ (09) මහනුවර දී රැස්වූණා.

පක්ෂයේ නායක අග්‍රාමාත්‍ය රනිල් වික්‍රමසිංහ මහතා සහ පක්ෂයේ මහ ලේකම් අධ්‍යාපන අමාත්‍ය අකිල විරාජ් කාරියවසම් මහතා ද එම අවස්ථාවට එක්ව සිටියා.

 

පුත්තලම දිස්ත්‍රික් එක්සත් ජාතික පක්ෂ බලමණ්ඩලය

 

මහනුවර දිස්ත්‍රික් සම්බන්ධිකරණ කමිටුව

 

Search