නවතම පුවත්

15181193 10154823017659060 6398874584561347143 n
තොරතුරු හා සන්නිවේදන තාක්ෂණ විෂයය හදාරනු ලබන ශිෂ්‍ය සංඛ්‍යාව මත පදනම්ව වසර 10 කට වඩා පැරණි පරිගණක විද්‍යාගාර පවතින තෝරාගත් ජාතික පාසල් 26 ක් සදහා පරිගණක හා පරිගණක ආශ්‍රිත උපාංග ලබා දීම අද (30) අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් අධ්‍යාපන අමාත්‍යාංශයේ දී සිදු කෙරුණා.

23233232
පාසල් දරුවන්ගේ සමබර පෞරුෂ සංවර්ධනය ඇති කිරීම සඳහා ඉදිරියේ දී ක්‍රීඩා ගුරුවරුන් 5,000 ක් බඳවාගැනීමට පියවර ගෙන ඇති බවත් එහිදී අධ්‍යාපන සුදුසුකම්වලට අමතරව ක්‍රීඩා කුසලතාවන්ට ප්‍රමුඛතාවය ලබාදෙන බවත් අධ්‍යාපන අමාත්‍ය අකිල විරාජ් කාරියවසම් මහතා පැවසුවා. අමාත්‍යවරයා මේ අදහස් පළ කළේ, අධ්‍යාපන අමාත්‍යාංශයත් ක්‍රීඩා අමාත්‍යාංශයත් එක්ව, දිවයිනේ සියලු පළාත් සභාවන්ගේ ද සහයෝගය ඇතිව පාසල් දරුවන්ගේ ක්‍රීඩා කුසලතා හඳුනාගනිමින් එම කුසලතා සංවර්ධනය කිරීම වෙනුවෙන් ආරම්භ කරන ලද ‘අධිෂ්ඨාන’ ජාතික ක්‍රීඩා සංවර්ධන වැඩසටහනේ සමාරම්භක අවස්ථාවට එක්වෙමින්.

17
විවිධ අවස්ථාවන්හිදී පාසැල් ගුරුවරුන් සඳහා තෑගි භෝග ලබාදීමට මවුපියන්ගෙන් මුදල් එක්රැස් කිරීම,එලෙස තෑගි භෝග ලබා ගැනීම සහ ඒ සඳහා බලපෑම් කිරීම වළකාලමින් නව චක්‍රලේඛයක් නිකුත් කිරීමට පියවර ගත් බව අධ්‍යාපන අමාත්‍ය අකිල විරාජ් කාරියවසම් මහතා පවසනවා.

15241848 10154822855999060 7176933709699974023 n
‘සංස්කෘතිය තුළින් සංහිඳියාව’ ‍තේමාව යටතේ අධ්‍යාපන අමාත්‍යාංශයේ ජාතික අධ්‍යාපන විද්‍යාපීඨ ශාඛාවේ මූලිකත්වයෙන් විදුරඟ සොබා සංස්කෘතික කළඑළිදැක්ම ඊයේ (29) කොළඹ නෙළුම් පොකුණ රංග ශාලාවේ දී අධ්‍යාපන අමාත්‍ය අකිල විරාජ් කාරියවසම් මැතිතුමන්ගේ ප්‍රධානත්වයෙන් සහ අධ්‍යාපන රාජ්‍ය අමාත්‍ය වී රාධක්‍රිෂ්ණන් මැතිතුමාගේ සහභාගීත්වයෙන් පැවැත්වුණා.

Akila Viraj Kariyawasam
මෙවර අයවැයෙන් අධ්‍යාපනය සඳහා වෙන් කර ඇති මුදල් කපා හැර ඇති බවට ඇතැම් පිරිස් සාවද්‍ය මතයක් ගෙන යන බව අධ්‍යාපන අමාත්‍ය අකිල විරාජ් කාරියවසම් මහතා පැවසුවා. ඒ ඊයේ (22) පැවති 2017 විසර්ජන පනත් කෙටුම්පත පිළිබඳ කාරකසභා අවස්ථාවේ තෙවැනි දින විවාදයට එක්වෙමින්.

1111111
පාසල් පද්ධතිය සඳහා විදුහල්පතිවරුන් බඳවා ගැනීමට වසර දහයකින් විභාග පවත්වා නොතිබුණු අධ්‍යාපන අමාත්‍ය අකිල විරාජ් කාර්යවසම් මහතාගේ සෘජු උපදෙස් මත විදුහල්පතිවරුන් බඳවා ගැනීමේ තරග විභාගය පැවැත්වූ අතර ඒ සඳහා පෙනී සිටි විසිදහසකට ආසන්න අපේක්ෂකයින් අතරින් විභාගය ඉහළින්ම සමත් 3901 දෙනෙකු පසුගිය ජූනි මස 16 වෙනි දා විදුහල්පති සේවයේ තුන්වැනි ශ්‍රේණියට බඳවා ගනු ලැබී ය.

15232135 10154823073084060 8030302332382713178 n
නව ලොවට ගැළපෙන පරිදි හා ජාතික හා ජාත්‍යන්තර අවශ්‍යතා සපුරාලිය හැකිවන පරිදි දේශිය අධ්‍යාපන පද්ධතිය ශක්තිමත් කළ යුතු බවත් ඒ සඳහා තාක්ෂණවේදය රට තුළ ප්‍රචලිත කිරීමට හා සිසුන්ට එම ක්ෂේත්‍රවලින් අධ්‍යාපනය ලැබීමේ අවස්ථා පුළුල් කිරීමට පියවර ගන්නා බවත් අධ්‍යාපන අමාත්‍ය අකිල විරාජ් කාරියවසම් මහතා පවසනවා.

5566
සන්නිවේදන,තාක්‍ෂණ අධ්‍යාපනය හා ඉංජිනේරු ක්ෂේත්‍රයන්හි සංවර්ධනය සඳහා අවස්ථාවන් වර්ධනය කිරීම උදෙසා නිර්මාණාත්මක හැකියාවන්ගෙන් යුත් ශිෂ්‍ය පරපුර අතරින් දක්ෂතමයන් පිරිසක් තෝරා ගෙන ඔවුන්ගේ හැකියාවන් වඩාත් වර්ධනය කර රටේ සංවර්ධනයට දායක කර ගැනීම අරමුණු කර ගනිමින් අධ්‍යාපන අමාත්‍යාංශය හා එක්ව ඩයලොග් ආසිආටා සමාගම විසින් අ.පො.ස.(සාමාන්‍ය පෙළ) විභාගයේදී හර විෂයන්ගෙන් ඉහළම ලකුණු ලබා භෞතික විද්‍යා අංශයෙන් (ගණිත) උසස් පෙළ හදාරන සිසුන් සඳහා ශිෂ්‍යත්ව ප්‍රදානය කරනු ලැබේ.

11111
පත්වීම් ලද නව විදුහල්පතිවරුන්, විදුහල්පතිවරුන් ලෙස ම ස්ථානගත කිරීම සඳහා කැබිනට් මණ්ඩලය ද තීරණය කර ඇති මොහොතක ඇතැම් පළාත් සභා විසින් එම තීරණය ද අභිබවා නුසුදුස්සන් ආරක්ෂා කිරීමට යාම කණගාටුවට කරුණක් බව අධ්‍යාපන අමාත්‍ය අකිල විරාජ් කාරියවසම් මහතා පවසනවා.

15230824 10154816119284060 4304844943268850417 n
පසුගිය කාලයේ නිල ඇඳුම් රෙදි ලබාදීමේ දී දූෂණ අක්‍රමිකතා රැසක් සිදු වූ වටපිටාවක අනවශ්‍ය මුදල් නාස්තිය ද දැයේ දරුවන් වෙනුවෙන් රජය වෙන් කරන ලද මුදල අපතේ හැරීම ද වළක්වා, රජය දරුවන් වෙත වැය කරන සමස්ත මුදල් ප්‍රමාණය ක්ෂය වීමකින් තොරව දරුවන් අතටම පත්කිරීමේ අරමුණින් නිල ඇඳුම් වවුචරපත් ක්‍රමය ක්‍රියාවට නැංවීමට පියවර ගත් බව අධ්‍යාපන අමාත්‍ය අකිල විරාජ් කාරියවසම් මහතා සඳහන් කරනවා.

11111
2017 අයවැය යෝජනා අනුව අධ්‍යාපන ක්ෂේත‍්‍රය නඟාසිටුවීම වෙනුවෙන් රජය වෙන් කර ඇති ප‍්‍රතිපාදන සහ ඒ යටතේ ක‍්‍රියාවට නැංවීමට යෝජිත වැඩසටහන් සම්බන්ධව සියලූම විද්‍යුත් හා මුද්‍රිත මාධ්‍ය දැනුවත් කිරීමේ විශේෂ හමුවක් අද (11) අධ්‍යාපන අමාත්‍ය අකිල විරාජ් කාරියවසම් මැතිතුමන්ගේ ප‍්‍රධානත්වයෙන් අධ්‍යාපන අමාත්‍යාංශයේ දී පැවැත්වුණා.

Search