අධ්‍යාපනය ගොඩ නැගීම සඳහා දේශපාලන බේදයකින් තොරව ඉහළ දක්ෂතා ඇති විදුහල්පතිවරුන් පත් කිරීම රජයේ අරමුණ බව අධ්‍යාපන අමාත්‍ය අකිල විරාජ් කාරියවසම් මහතා පවසනවා.
අමාත්‍යවරයා මේ බව සඳහන් කළේ, අධ්‍යාපන අමාත්‍යංශයේ පැවති මාධ්‍ය හමුවක් අමතමින්.
රාජ්‍ය සේවා කොමිෂන් සභාවේ නිර්දේශ සහ සම්මුඛ පරීක්ෂණ පැවැත්වීමට අදාල අනුමැතිය සහ ලකුණු ලබා දීමේ ක්‍රමවේදය සඳහා ද අනුමැතිය ලබා ගනිමින් පසුගිය වසරේ දී විදුහල්පතිවරුන් පත්කිරීමට අදාළ සම්මුඛ පරීක්ෂණ පවත්වා අවසන් කර තිබු අතර එම සම්මුඛ පරීක්ෂණ අවසානයේ ලබාගත් ප්‍රතිඵල සහ විදුහල්පතිවරුන්ගේ ලේඛන රාජ්‍ය සේවා කොමිෂන් සභාවට ඉදිරිපත් කළ බවයි අධ්‍යාපන අමාත්‍ය අකිල විරාජ් කාරියවසම් මහතා සඳහන් කළේ.
එහෙත් රාජ්‍යසේවා කොමිෂන් සභාව ඒ සඳහා අනුමැතිය ලබා දී නැති බවයි අමාත්‍යවරයා පෙන්වා දුන්නේ.
