කුරුණෑගල දුටුගැමුණු මධ්‍ය මහා විද්‍යාලයට මෙතෙක් අඩුපාඩුවක්ව පැවති පරිපාලන ඒකකය සහ පන්ති කාමර ගොඩනැගිලි ඉදි කිරීම ළඟම පාසල හොඳම පාසල ජාතික වැඩසටහන යටතේ සිදු කෙරුණා.
මෙලෙස ඉදිකෙරුණු පරිපාලන ඒකකයක් සහිත තෙමහල් පන්ති කාමර ගොඩනැගිල්ල සිසු අයිතියට පත් කිරීම සිදු කෙරුණේ අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන්.
'ළඟම පාසල හොඳම පාසල ' ව්‍යාපෘතිය යටතේ උස්ගල තිස්ස මහා විද්‍යාලයේ ඉදි කරනු ලැබූ ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත් කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදු වුණා.
ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත් කිරීමේ විශේෂ අවස්ථා කිහිපයක් මේ සමග දැක්වෙනවා
ළඟම පාසල හොඳම පාසල ජාතික වැඩසටහන යටතේ කුරුණෑගල කළුගමුව මහා විද්‍යාලයට අඩුපාඩුවක්ව පැවති පරිපාලන ගොඩනැගිල්ල සහ පන්ති කාමර පහසුකම් ලබාදීම අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදු කෙරුණා.
එම පරිපාලන ඒකකයක් සහිත තෙමහල් පන්ති කාමර ගොඩනැගිල්ල සිසු අයිතියට පත් කෙරුණේ සිසු දරුදැරියන් සහ දෙමාපියන් විශාල පිරිසකගේ සහභාගිත්වයෙනුයි.
ගණන්ගමුව ප්‍රාථමික විදුහලේ සිසු දරු දැරියන් සඳහා 'ළඟම පාසල හොඳම පාසල ' ව්‍යාපෘතිය යටතේ ඉදි කරනු ලැබූ ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත් කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදු කෙරුණා
ශ්‍රී ලංකා විභාග දෙපාර්තමේන්තුව මගින් නිකුත් කරනු ලබන අධ්‍යයන පොදු සහතික පත්‍ර සාමාන්‍ය පෙළ සහ උසස් පෙළ විභාග සහතික පත් ලබාගැනීමට මේ වනතෙක් සිදුකෙරුණේ, විභාග දෙපාර්තමේන්තුව වෙත පැමිණ අයදුම්කිරීම් මතයි.
මෙහි දී අයදුම්කරුවන්ට දිවයිනේ කවර ප්‍රදේශයක සිට හෝ විභාග දෙපාර්තමේන්තුව වෙත පැමිණීමට සිදුවීම, දිනපතා අයදුම්කරුවන් විශාල පිරිසක් පැමිණීම හේතුවෙන් සහතික පත් නිකුත් කිරීමේ ක්‍රියාවලිය වෙනුවෙන් වැඩි කාලයක් ගතවීම වැනි ගැටළු මතුව තිබුණා. මේ තත්වයට පැහැදිලි විසඳුමක් ලබාදෙමින් ඩිජිටල් තාක්ෂණයේ සහාය මේ සඳහා ලබාගැනීමට අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් පරිදි මේ වනවිට වැඩපිළිවෙළක් ක්‍රියාවට නංවා තිබෙනවා.
ඒ, මෙරට අධ්‍යාපන පද්ධතිය තුළට තවත් විප්ලවීය වෙනසක් එක්කරමින් ඉතිහාසයේ පළමුවරට සාමාන්‍ය පෙළ සහ උසස් පෙළ විභාග සහතිකපත් නිකුත් කිරීම online (මාර්ගගත) ක්‍රමවේදයට සිදුකිරීමයි. අධ්‍යාපන අමාත්‍යතුමන්ගේ විශේෂ උපදෙස් මත විභාග දෙපාර්තමේන්තුව නවීකරණය කිරීම වෙනුවෙන් 2017 ඔක්තෝබර් මස පත් කළ විද්වත් කමිටුවේ විද්‍යාත්මක නිර්දේශ මත ක්‍රියාවට නංවන ලද ප්‍රතිපත්තිමය තීරණයක් අනුව මෙම වැඩපිළිවෙළ ක්‍රියාත්මකයි.
ඒ අනුව, සාමාන්‍ය පෙළ සහ උසස් පෙළ විභාග සහතික පත් ලබාගැනීම වෙනුවෙන් විභාග දෙපාර්තමේන්තුවට පැමිණීම මින් ඉදිරියට අවශ්‍ය නොවන අතර, ඒ අනුව පැය 24ක වැනි කෙටි කාලයක් තුළ ශ්‍රී ලංකා විභාග දෙපාර්තමේන්තුවේ අලුතින් යාවත්කාලීන කරන ලද www.doenets.lk නිල වෙබ් අඩවියට පිවිසීමෙන් අදාළ සහතික ඉතා පහසුවෙන් ලබාගැනීමට අයදුම්කරුවන්ට අවස්ථාව ලබා දී තිබෙනවා.
මෙම සහතික බෙදා හැරීම සඳහා විභාග දෙපාර්තමේන්තුව හා තැපැල් දෙපාර්තමේන්තුව අතර අවබෝධතා ගිවිසුමක්ද පසුගියදා (11) අත්සන් තැබුණු අතර දුර බැහැර ප්‍රදේශයක සිටින අයදුම්කරුවකුට වුවද පැය 48ක් වැනි කාලයක් තුළ අදාළ සහතිකපත් ලබා ගැනීමේ පහසුකම සැලසෙනවා.
මෙම සේවාවේ විශේෂත්වයක් වන්නේ ඕනෑම විදෙස් රටක සිට online ක්‍රමය යටතේ අයදුම් කර සහතිකපත් ලබා ගැනීමේ හැකියාවයි.
'ළඟම පාසල හොඳම පාසල' ව්‍යාපෘතිය යටතේ ඉදිකිරීමට නියමිත කුලියාපිටිය සුරදූත බාලිකා විදුහලේ තෙමහල් ගොඩනැගිල්ල සඳහා මුල්ගල තැබීම අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදු වුණා.
රුපියල් මිලියන 60ක වියදමින් ඉදි කෙරෙන මෙම ගොඩනැගිල්ලේ ප්‍රාථමික ඉගෙනුම් සම්පත් මධ්‍යස්ථානයක් සහ විද්‍යාගාරයක් ද ඉදි කිරීමට නියමිතයි.
'ළඟම පාසල හොඳම පාසල ' ව්‍යාපෘතිය යටතේ මීගලෑව ප්‍රාථමික විද්‍යාලයේ ඉදි කරනු ලැබූ ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත් කිරීමේ අවස්ථාව අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් සිදු වුණා.
ප්‍රාථමික ඉගෙනුම් සම්පත් මධ්‍යස්ථානය සිසු අයිතියට පත් කිරීමේ විශේෂ අවස්ථා කිහිපයක් පහතින් දැක්වෙනවා.
-අධ්‍යාපන අමාත්‍ය අකිල විරාජ් කාරියවසම්
අධ්‍යාපන අමාත්‍යවරයා වශයෙන් ක්‍රියාවට නැංවූ ජනතාවාදී වැඩසටහන්වලට පහර දි තමන්ගේ දේශපාලන ප්‍රතිරූපය විනාශ කිරීමට නොහැකි බව අධ්‍යාපන අමාත්‍ය අකිල විරාජ් කාරියවසම් මහතා ප්‍රකාශ කළා.
උපාධිධාරීන් රැකියාගත කිරීමේ වැඩසටහන යටතේ බඳවා ගෙන සිටි සංවර්ධන නිලධාරීන් පන්සිය අනූ දෙදෙනකුට (592) ජාතික හා පළාත් පාසල්වල සිංහල හා දෙමළ මාධ්‍ය ගුරු පත්වීම් පිරිනැමීම සඳහා බත්තරමුල්ල, පැලවත්ත අපේ ගම පරිශ්‍රයේ පැවති උත්සවයේ දී අමාත්‍යවරයා එසේ ප්‍රකාශ කර සිටියා.
පාසල් නිල ඇඳුම් රෙදි වෙනුවට වවුචර් ක්‍රමය හඳුන්වා දි සිසු දරුවන්ට උසස් තත්ත්වයේ නිල ඇඳුමක් ලබා දීමටත් නිල ඇඳුම් ලබා දීමේ දී එතෙක් පැවති දූෂණ හා අක්‍රමිකතා නවතා කිසිවෙකුටත් අත යට ගනුදෙනු කරගත නොහැකි වන පරිදි විනිවිද පෙනෙන ආකාරයෙන් වවුචර් ක්‍රමය ක්‍රියාත්මක කළ බැවින් රජයට රුපියල් කෝටි ගණනක මුදලක් ඉතිරි කර ගැනිමට හැකි වූ බවත් අමාත්‍යවරයා මෙහි දී පෙන්වා දුන්නා.
සුරක්ෂා රක්ෂණ ක්‍රමය සම්බන්ධයෙන් ඇතැමුන් විවේචන කළත් සුරක්ෂා රක්ෂණාවරණය එම පෞද්ගලික ආයතනයට ලබා දීම අධ්‍යාපන අමාත්‍යාංශයේ වපසරිය යටතේ සිදුකළ ක්‍රියාවක් නොව අභියාචනා කමිටුවක් මගින් සිදුකරන ලද්දක් බව ද අමාත්‍යවරයා සඳහන් කළා.
පාසල් පෙළපොතෙහි අධ්‍යාපන අමාත්‍යවරයාගේ පණිවිඩයක් ඇතුළත් කිරීම සම්බන්ධයෙන් ඇතැමුන් බොහෝ විවේචන පළ කළත් පසුගිය වසර වල එවකට සිටි අධ්‍යාපන අමාත්‍යවරයාගේ පමණක් නොව ජනාධිපතිවරුන්ගේ පණිවිඩ ඇතුළත් කර තිබූ ආකාරය ද පෙන්වා දුන් අමාත්‍ය අකිල විරාජ් කාරියවසම් මහතා තමාගේ පණිවිඩය ඇතුළත් කළත් ඒ වෙනුවෙන් රුපියලක් හෝ වැඩිපුර මුදලක් වැය වී නොමැති බවත් කියා සිටියා.
නව තාක්ෂණය වේලාසනින් ම දරුවන් අතට පත්කිරීමේ උත්සාහයක් වශයෙන් ටැබ් පරිගණක ලබා දීමට පියවර ගනිද් දී ඒ පිළිබඳවත් විවිධාකාරයෙන් පහර දී සිදු කරන බාධා කිරිම් ගැන සඳහන් කළ අමාත්‍යවරයා එවැනි බාධක නොතිබුණේ නම් මිටත් වඩා ජවයකින් ඉදිරියට යා හැකි වනු ඇතැයි ද අවධාරණය කළා.
උපාධි ගුරුවරුන්ට තමන් උපාධියට හදාරන ලද විෂයයන් ම පාසලේ දී ඉගැන්වීමට ද අවස්ථාවක් නොලැබීම අධ්‍යාපනයේ එක්තරා දුර්වලකමක් වශයෙන් සඳහන් කළ අමාත්‍යවරයා පින්ලන්තය වැනි දියුණු රටවල අධ්‍යාපනයේ ඇති ගුණාත්මක තත්ත්වයන් මෙරට පාසල් අධ්‍යාපනයට හඳුන්වා දීමේ වැදගත්කමත් සඳහන් කළා.
මෙම අවස්ථාව සඳහා අධ්‍යාපන රාජ්‍ය අමාත්‍ය විජයකලා මහේෂ්වරන් මහත්මිය ද වැඩබලන අධ්‍යාපන ලේකම් තිස්ස හේවාවිතාන මහතා ද එක් වුණා.
පොසොන් පොහොය නිමිත්තෙන් පාසල් සිසුන් 2500කගේ සහභාගීත්වයෙන් අරලියගහ මන්දිරයේ දී 'සිසු දම් සරණි සීල වැඩසටහන ' ඊයේ (14) පැවැත්වුණා.
නුගේගොඩ නාලන්දාරාමාධිපති පූජ්‍ය තීනියාවල පාලිත හිමියන්ගේ අනුශාසකත්වයෙන් මෙය සිදු කෙරුණා.
ශ්‍රී ලංකා විභාග දෙපාර්තමේන්තුව මගින් නිකුත් කරනු ලබන අධ්‍යයන පොදු සහතික පත්‍ර සාමාන්‍ය පෙළ සහ උසස් පෙළ විභාග සහතික පත් ලබාගැනීමට මේ වනතෙක් සිදුකෙරුණේ, විභාග දෙපාර්තමේන්තුව වෙත පැමිණ අයදුම්කිරීම් මතයි.
මෙහි දී අයදුම්කරුවන්ට දිවයිනේ කවර ප්‍රදේශයක සිට හෝ විභාග දෙපාර්තමේන්තුව වෙත පැමිණීමට සිදුවීම, දිනපතා අයදුම්කරුවන් විශාල පිරිසක් පැමිණීම හේතුවෙන් සහතික පත් නිකුත් කිරීමේ ක්‍රියාවලිය වෙනුවෙන් වැඩි කාලයක් ගතවීම වැනි ගැටළු මතුව තිබුණා. මේ තත්වයට පැහැදිලි විසඳුමක් ලබාදෙමින් ඩිජිටල් තාක්ෂණයේ සහාය මේ සඳහා ලබාගැනීමට අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් පරිදි මේ වනවිට වැඩපිළිවෙළක් ක්‍රියාවට නංවා තිබෙනවා.
ඒ, මෙරට අධ්‍යාපන පද්ධතිය තුළට තවත් විප්ලවීය වෙනසක් එක්කරමින් ඉතිහාසයේ පළමුවරට සාමාන්‍ය පෙළ සහ උසස් පෙළ විභාග සහතිකපත් නිකුත් කිරීම online (මාර්ගගත) ක්‍රමවේදයට සිදුකිරීමයි. අධ්‍යාපන අමාත්‍යතුමන්ගේ විශේෂ උපදෙස් මත විභාග දෙපාර්තමේන්තුව නවීකරණය කිරීම වෙනුවෙන් 2017 ඔක්තෝබර් මස පත් කළ විද්වත් කමිටුවේ විද්‍යාත්මක නිර්දේශ මත ක්‍රියාවට නංවන ලද ප්‍රතිපත්තිමය තීරණයක් අනුව මෙම වැඩපිළිවෙළ ක්‍රියාත්මකයි.
ඒ අනුව, සාමාන්‍ය පෙළ සහ උසස් පෙළ විභාග සහතික පත් ලබාගැනීම වෙනුවෙන් විභාග දෙපාර්තමේන්තුවට පැමිණීම මින් ඉදිරියට අවශ්‍ය නොවන අතර, ශ්‍රී ලංකා විභාග දෙපාර්තමේන්තුවේ අලුතින් යාවත්කාලීන කරන ලද නිල වෙබ් අඩවියට පිවිසීමෙන් අදාළ සහතික ඉතා පහසුවෙන් ලබාගැනීමට අයදුම්කරුවන්ට අවස්ථාව ලබා දී තිබෙනවා.
මෙම වෙබ් අඩවියට පිවිසිය යුතු අන්දම සහ අදාළ සහතිකපත් ඇණවුම් කිරීම, මුදල් ගෙවීම ඇතුළු සමස්ත ක්‍රමවේදය පියවරින් පියවර පහත දැක්වේ.
ඉන්පසු ඔබට සහතිකපත් අවශ්‍ය විභාගය හා වර්ෂය තෝරා විභාග අංකය ඇතුලත් කරන්න.(2001සිට මේ දක්වා පැවති සාමාන්‍ය පෙළ සහ උසස් පෙළ විභාගවලට අදාළ ප්‍රතිඵල සහතික පමණක් දැනට මේ යටතේ ලබාගත හැක)
- දේශීය අයදුම්කරුවන් සඳහා නිකුත් කරන සහතික
- විදේශීය රටවල පදිංචි අයදුම්කරුවන් සඳහා නිකුත් කරන සහතික
- විදේශ කටයුතු අමාත්‍යාංශය සඳහා යොමුකරන සහතික
- ඕස්ට්‍රේලියානු තානාපති කාර්යාලය සඳහා ඉදිරිපත් කරන සහතික.
- ඇමෙරිකානු ග්‍රීන්කාඩ් සඳහා ඇමෙරිකානු තානාපති කාර්යාලය සඳහා නිකුත් කරනු ලබන සහතික
- සහතිකයක් සඳහා රු.600 ක් සහ එහි අමතර පිටපතක් සඳහා රු.300 ක් අය කෙරේ.
- තැපැල් ගාස්තු ලෙස දේශීය බෙදා හැරීම් සඳහා රු.100 ක් අය කෙරේ.
- විදේශීය බෙදා හැරීම් සඳහා EMS සේවාවට අදාල ගාස්තු අයකෙරේ. EMS සේවාව නොමැති රටවල් සඳහා Airmail ඔස්සේ සහතිකපත්‍ර යවනු ලැබේ.
සිංහල හා දෙමළ මාධ්‍ය ගුරු පුරප්පාඩු සඳහා උපාධිධාරීන් රැකියාගත කිරීමේ වැඩසටහන යටතේ බඳවාගත් උපාධිධාරීන් ශ්‍රී ලංකා ගුරු සේවයේ 3-1 (අ) ශ්‍රේණියට සහ 2-11 ශ්‍රේණියට බඳවා ගැනීමේ පත්වීම් ලිපි ප්‍රදානය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් අද (30) සිදු කෙරුණා.
ඒ,බත්තරමුල්ල අපේගම පරිශ්‍රයේ දී.
මෙහිදී පන්සිය අනූ දෙදෙනෙකුට පත්වීම් ලිපි ලබාදීම සිදු වුණා.
අධ්‍යාපන රාජ්‍ය අමාත්‍ය විජයකලා මහේෂ්වරන් මහත්මිය සහ වැඩබලන අධ්‍යාපන ලේකම් තිස්ස හේවාවිතාන මහතා ඇතුළු පිරිසක් මෙම අවස්ථාවට එක්ව සිටියා.
