ජනාධිපති මෛත්‍රීපාල සිරිසේන මහතාගේ උපදේශකත්වයෙන්, අග්‍රාමාත්‍ය රනිල් වික්‍රමසිංහ මහතාගේ මගපෙන්වීමෙන් ස්වදේශ කටයුතු අමාත්‍යාංශය සංවිධානය කරන කුරුණෑගල දිස්ත්‍රික්කයේ පැවැත්වෙන නිල මෙහෙවර ජනපති ජනතා සේවයේ ප්‍රාදේශිය ජනතා සේවයේ කුලියාපිටිය නිල මෙහෙවර වැඩසටහන අද (29) අධ්‍යාපන අමාත්‍ය අකිල විරාජ් කාරියවසම් අමාත්‍ය වජිර අබේවර්ධන යන මහත්වරුන්ගේ ප්‍රධානත්වයෙන් පැවැත්වුණා.
පාසලක ඉගෙනුම ලබන එක් සිසුවෙකුට අවම වශයෙන් කියවීම සඳහා පොත් 10 ක් පැවතිය යුතුය යන්න ජාත්‍යන්තර නිර්ණායකය යි. ඒ සඳහා ඉදිරි වසර 5 තුළ පාසල් පුස්තකාල තුළ භාවිත පොත් සංඛ්‍යාව 50% කින් ඉහළ නැංවීමට විශේෂ වැඩපිළිවෙලක් සකස් කිරීමට අධ්‍යාපන අමාත්‍ය අකිල විරාජ් කාරියවසම් මහතා අදාළ නිලධාරීන්ට උපදෙස් ලබා දී තිබේ. එහි එක් පියවරක් ලෙස “ළඟම පාසල හොඳම පාසල” ව්‍යාපෘතිය යටතේ පාසල් 3200 ක් වෙත පුස්තකාල පොත් ලබාදීම සඳහා රුපියල් මිලියන 700 ක් ප්‍රදානය කිරීමේ වැඩපිළිවෙලක් මේ වන විට ක්‍රියාත්මක කර ඇත.
ඊයේ (10) දින රැස් වූ පුරා විද්‍යා උපදේශන මණ්ඩලය විසින් දඹුලු ලෙන් විහාරය කඩිනමින් සංරක්ෂණය කිරීමේ අවශ්‍යතාවය වෙනුවෙන් නැවත දන්වන තුරු තාවකාලිකව සංචාරකයින්ටවසා දැමීම උචිත බව ඒකමතිකව තීරණය කරන ලදී. ඒ සම්බන්ධ වන මාධ්‍ය නිවේදනය අප විසින් නිකුත් කළ අතර ඉන් අවධාරණය කර ඇත්තේ පුරාවිද්‍යා උපදේශන මණ්ඩලය විසින් එළඹි තීරණ සම්බන්ධව පමණී. තීරණ ගැනීම සහ ඒවා ක්‍රියාත්මක කිරීම යනු කාරණා දෙකකි. එසේම පුරා විද්‍යා උපදේශන මණ්ඩලය විසින් ගනු ලැබූ දඹුලු ලෙන් විහාරය සංචාරකයින් සඳහා වසා දැමීමේ තීරණය මේ දක්වා ක්‍රියාත්මක කර නොමැත.
එමෙන්ම විදේශ සංචාරකයින්ට ප්‍රවේශ පත්‍ර නිකුත් කිරීම සඳහා පුරා වස්තු ආඥාපනත, මධ්‍යම සංස්කෘතික අරමුදල් පනත සහ විහාර දේවාලගම් පනත ප්‍රකාරව පැවරී ඇති නෛතික බලතල අනුව එම වගකීම මධ්‍යම සංස්කෘතික අරමුදලට පැවරීමට පුරාවිද්‍යා උපදේශන මණ්ඩලය තීරණය කරන ලදී. එමෙන්ම පුරා විද්‍යා උපදේශක මණ්ඩලය විසින් ගනු ලැබූ මෙම තීරණ පිළිබඳව දඹුලු විහාර පාර්ශවය දැනුවත් කිරීම සහ පුරා විද්‍යා උපදේශක මණ්ඩලයේ සාමාජිකයින් සහ දඹුලු විහාර පාර්ශවයේ ස්වාමීන් වහන්සේ සමග අදාළ තීරණ පිළිබඳව සාකච්ඡා කිරීමේ කටයුත්ත හැකි ඉක්මනින් සම්බන්ධීකරණය කිරීම සඳහා බෞද්ධ කටයුතු කොමසාරිස් නිමල් කොටවලගෙදර මහතාට අධ්‍යාපන අමාත්‍ය අකිල විරාජ් කාරියවසම් මහතා විසින් ඊයේ (10) උපදෙස් ලබා දෙන ලදී. ඒ අනුව නුදුරු දිනක දී පුරාවිද්‍යා උපදේශන මණ්ඩලයේ සාමාජිකයින් සහ දඹුලු විහාර පාර්ශවයේ ස්වාමීන් වහන්සේ අතර සාකච්ඡා කොට පවත්නා නෛතික තත්ත්වයන් සැලකිල්ලට ගනිමින් ප්‍රමුඛ අවශ්‍යතාවන් පිළිබඳව ද අවධානය යොමු කරමින් පුරාවිද්‍යා උපදේශන මණ්ඩලයේ තීරණ ක්‍රියාත්මක කිරීම කිරීම පිළිබඳව අවසන්එකඟතාවට එළඹෙනු ඇත.
එමෙන්ම මේ සම්බන්ධයෙන් අදහස් දැක්වූ අධ්‍යාපන අමාත්‍ය අකිල විරාජ් කාරියවසම් මහතා අවධාරණය කරන්නේ රංගිරි දඹුලු විහාර සම්බන්ධව ගනු ලබන තීන්දු තීරණ නීත්‍යානුකූලව සහ විනිවිදභාවයෙන් යුක්තව සිදුකරන බවයි. එමෙන්ම මෙරට බෞද්ධ ජනතාව සතු සුවිශේෂී ලෝක උරුමයක් වන රංගිරි දඹුලු ලෙන් විහාර සංකීර්ණය සංරක්ෂණය කිරීම සඳහා උපරිම ශක්ති ප්‍රමාණයෙන් රජය කටයුතු කිරීම සද්භාවයෙන් යුතුව බෞද්ධ උරුමය සුරකින කිසිවෙකුගේ හෝ දෝෂාදර්ශනයට ලක්විය නොහැක්කක් බවත්, මෙම සද්කාර්යයට දායකවීම සියලු දෙනාගේ වගකීමක් වන බවත් අමාත්‍යවරයා වැඩිදුරටත් සඳහන් කළා. දඹුලු විහාර පාර්ශවය ඇතුළු මෙරට සියලුම මහා සංඝරත්නය මේ සංරක්ෂණ කටයුත්ත සඳහා ආශිර්වාද කරනු ඇති බවද සිහිපත් කළ අමාත්‍ය අකිල විරාජ් කාරියවසම් මහතා එය ජාතික වගකීමක් බවද සඳහන් කළා. ඒ මේ පිළිබඳව අමාත්‍යාංශ නිලධාරීන් සමඟ අද පස්වරුවේ පැවති සාකච්ඡාවක් අතරතුරයි.
අමාත්‍ය වරයා ලෙස තමා මේ සා විශාල කැපකිරීමක් සිදුකරමින් දේශපාලනික වශයෙන්ද අපහාස උපහාස විඳ දරා ගනිමින් විනාශමුඛයට පාත්‍ර වී ඇති රංගිරි දඹුලු ලෙන් විහාරය ආරක්ෂා කිරීම සඳහා කැපවී සිටින මොහොතක ඇතැම් පාර්ශව තම පුද්ගලික අභිලාෂයන්ට ප්‍රමුඛතාව දෙමින් සංරක්ෂණ කටයුතු වලට බාධා කිරීම ජාතියේ අවාසනාවක් බවද අමාත්‍යවරයා වැඩිදුරටත් ප්‍රකාශ කළා.
දිවයිනේ සියලු ම පාසල් ඩෙංගුවලින් තොර කලාපයන් බවට පත්කිරීම අරමුණු කරගනිමින් ක්‍රියාත්මක ඩෙංගු මර්දන විශේෂ ශ්‍රමදාන වැඩසටහන අද (28) උදෑසන ආරම්භ වුණා.ඒ අධ්‍යාපන අමාත්‍ය අකිල විරාජ් කාරියවසම් මහතාගේ මූලිකත්වයෙන්. කොලඹ නාලන්දා විද්‍යාලයට පැමිණි අධ්‍යාපන අමාත්‍යවරයා ශ්‍රමදාන කටයුතු වලට එක් වූ පාසල් පරිශ්‍රය තුළ පැල සිටුවීමේ කටයුත්තකට ද දායක වුණා. ඉන් අනතුරුව කොළඹ සංඝමිත්තා බාලිකා විද්‍යාලයට පැමිණි අමාත්‍යවරයා එහි ඩෙංගු මර්දන වැඩසටහනට ද සහභාගී වුණා.
මේ දිනවල වේගයෙන් ව්‍යාප්ත වෙමින් පවතින ඩෙංගු රෝගය මර්දනය කිරිමේ අරමුණින් එළඹෙන සතියේ (28) සිකුරාදා, (29) සෙනසුරාදා සහ (30) ඉරිදා යන තෙදින තුළ දිවයිනේ සියලුම පාසල්වල ඩෙංගු මර්දන පවිත්‍රතා වැඩසටහනක් සිදු කිරීමට කටයුතු සම්පාදනය කරන්නැයි අධ්‍යාපන අමාත්‍ය අකිල විරාජ් කාරියවසම් මහතා නිලධාරීන්ට උපදෙස් ලබාදුන්නා.
පුරාවිද්‍යා උපදේශන මණ්ඩලය අද (10) පස්වරුවේ අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් රැස්වුණා. එහිදී පුරාවිද්‍යා උරුමයන් සංරක්ෂණය සහ බෞද්ධ වෙහෙර විහාරස්ථාන සංරක්ෂණය ඇතුළු මධ්‍යම සංස්කෘතික අරමුදල මගින් දියත්කර ඇති ව්‍යාපෘති සම්බන්ධව ඉතා දීර්ඝ ලෙස කරුණු සාකච්ඡා කෙරුණා. එසේම මේ දිනවල ප්‍රධාන වශයෙන් කතාබහට ලක්වන දඹුලු ලෙන් විහාරයේ බිතුසිතුවම් සහ පිළිමවහන්සේ විනාශ වී යාම පිළිබඳව මෙහිදී ප්‍රමුඛ ලෙස අවධානයට ලක්වූ අතර, දේශීය සහ විදේශීය විද්වතුන් ඉදිරිපත්කර ඇති වාර්තාද මෙහිදී විද්වත් සභාවේ සාකච්ඡාවට බදුන් වුනා.
· පාසල් නිවාඩු සමය තුළ දී පාසල්වල පවිත්‍රතාව අඛණ්ඩව පවත්වාගෙන යාම සඳහා ද පවිත්‍රතා වැඩසටහනක්.
· විභාග කටයුතුවලට බාධා නොවන අයුරින් වැඩසටහන් ක්‍රියාත්මක කිරීමට අධ්‍යාපන අමාත්‍යවරයාගෙන් නිලධාරීන්ට උපදෙස්.
මේ දිනවල රට පුරා වේගයෙන් ව්‍යාප්ත වෙමින් පවතින ඩෙංගු රෝගය මර්දනය කිරීම අරමුණු කරගනිමින් අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් පරිදි පාසල් මට්ටමින් වැඩසටහන් රාශියක් මේ වන විට ක්‍රියාත්මක වෙමින් පවතී. ඊට සමගාමීව ජූලි මස (28) සිකුරාදා, (29) සෙනසුරාදා සහ (30) ඉරිදා යන තෙදින තුළ දිවයිනේ සියලුම පාසල්වල ඩෙංගු මර්දනය ඉලක්ක කරගනිමින් පාසල් සහ අවට පරිසරය පවිත්‍ර කිරීමේ වැඩසටහනක් සිදු කිරීමට අවශ්‍ය සියලු කටයුතු මේ වන විට සංවිධානය කර ඇති අතර ඒ සම්බන්ධව විදුහල්පතිවරුන් ඇතුළු බලධාරීන් දැනුවත් කිරීම සඳහා අදාළ චක්‍රලේඛ ද නිකුත් කර තිබේ.
ලේ පළාත් සභා සම්මන්ත්‍රණ ශාලාව සහ ගලේවෙල මිල්ලවාන මහ විදුහල යන ස්ථානවල මෙම සමුළුවේ කටයුතු පැවැත්වීමට සැලසුම් කර තිබෙනවා. ලෝකය පුරා සිටින ථේරවාද, මහායාන, තන්ත්‍රයාන, වජ්‍රයාන සහ සෙන් බෞද්ධාගමික තරුණ භික්ෂූන් වහන්සේලා දහසක පමණ පිරිසක් සහභාගිවන මෙම සමුළුව ශ්‍රී ලංකාවේ පැවැත්වෙන්නේ තෙවන වරටයි. 2004 වර්ෂයේ දී නේපාලයේ දී පැවති ආරම්භක සමුළුවෙන් අනතුරුව මැලේසියාව, තායිලන්තය, ඕස්ට්‍රේලියාව, ජපානය, ජර්මනිය, ස්විට්සර්ලන්තය, බෙල්ජියම සහ ඇමරිකා එක්සත් ජනපදය යන රටවල දී මෙම සමුළුව මෙතෙක් පවත්වා තිබෙනවා.
ශීඝ්‍රයෙන් වෙනස් වන ලෝකය සමඟ එක්වන්නට අපේ අනාගත පරපුර සූදානම් කරවීම වෙනුවෙන් ඇතැම් තීන්දු තීරණ ගන්නා විට විවේචන සහ අකුල් හෙලීම් නවතා සුබවාදීව කටයුතු කළ හැකි පිරිසක් සිටිය හැකි නම් සංවර්ධනය කරා යන ගමන මීට වඩා වේගවත් කළ හැකි බව අධ්‍යාපන අමාත්‍ය අකිල විරාජ් කාරියවසම් මහතා පැවසුවා. විශේෂයෙන්ම, ජනමාධ්‍ය, වෘත්තීය සංගම් සහ රටේ ජනතාව දූපත් මානසිකත්වයෙන් මිදී කටයුතු කිරීම සංවර්ධන අභියෝග ජයගැනීමේ දී අත්‍යවශ්‍ය වන බවත් අමාත්‍යවරයා සඳහන් කළා.
ජාත්‍යන්තර මට්ටමින් පිළිගත් විශේෂඥ සහ තාක්ෂණික සහය ලබාගනිමින් පුරාවිද්‍යා සංරක්ෂණ කටයුතු ප්‍රමිතිගත කිරීමටත් මධ්‍යම සංස්කෘතික අරමුදලේ පරිපාලන කටයුතු විධිමත් කිරීමටත් අධ්‍යාපන අමාත්‍ය අකිල විරාජ් කාරියවසම් මහතා විසින් අවශ්‍ය මග පෙන්වීම සිදු කරනු ලබනවා. ඒ හරහා මේ වන විට මධ්‍යම සංස්කෘතික අරමුදල සතු ආදායම් වැඩි කිරීමට හැකි වී ඇති අතර එම අරමුදල් යොදවා හඳුනාගත් ජාතික උරුම සංරක්ෂණ කටයුතු ආරම්භ කිරීමටත් පෞරාණික උරුමයක් සහිත වෙහෙර විහාර සහ සිද්ධස්ථානවල සංරක්ෂණ හා නඩත්තු කටයුතු සිදු කිරීමටත් මේ වන විට සිදු කෙරෙමින් පවතින සංරක්ෂණ කටයුතු කාර්යක්ෂම කිරීමටත් හැකි වී තිබෙනවා.
විනාශ මුඛයට ඇද වැටී ඇති මෙරට බෞද්ධ උරුමයන් සුරැකීම සඳහා විෂය භාර අමාත්‍යවරයා ලෙස බෞද්ධ දර්ශනයට සහ රටේ පවත්නා නීති අණ පනත් අනුව කටයුතු කරමින් සිටින මොහොතක කරුණු විකෘති කරමින් පදනම් විරහිත මතවාද තම පටු වාසි වෙනුවෙන් සමාජගත කිරීමට ඇතැම් පිරිස් උත්සාහ දැරීම කණගාටුදායක තත්වයකි. ඉන් ඇතැමෙක් ගිලිහී ගිය බලය නැවත ලබා ගැනීම සඳහා බෞද්ධ ජනතාව මුලා කිරීමේ කටයුත්ත සුපුරුදු ලෙසින් සිදුකරමින් සිටින බව පැහැදිලි වේ. ඇතැමෙකු වංචා දූෂණය අක්‍රමිකතා වසා ගැනීමටත් ජනතා අවධානය වෙනතකට යොමු කිරීමටත් උත්සාහ ගන්නා බව පෙනෙන්නට තිබේ.
සම්බුද්ධ ශාසනය,සහ මෙරට බෞද්ධ උරුමය සුරක්ෂිත කිරීමේදී කුමන බාධක එල්ල වුවද ඒ සඳහා කැප වී ක්‍රියාකරන බව අධ්‍යාපන අමාත්‍ය අකිල විරාජ් කාරියවසම් මහතා රුවන්වැලි සෑ රඳුන් ඉදිරිපිටදී අද සපථ කළා.ඒ රුවන්වැලි සෑ චෛත්‍යාධිකාරී අති පුජ්‍ය පල්ලේගම හේමරතන නාහිමියන්ගේ අනුශාසකත්වයෙන් ගරු අග්‍රාමාත්‍ය රනිල් වික්‍රමසිංහ මැතිතුමන්ගේ උපදෙස් මත මධ්‍යම සංස්කෘතික අරමුදල හරහා රුපියල් මිලියන 23 ක වියදමින් සංරක්ෂණය කරන ලද රුවන්වැලි සෑ රඳුන්ගේ වැලි මළුව සංරක්ෂණය නිමවා පූජා කිරීමේ උත්සවයට එක්වෙමිනි.
