අපේ රටේ වටිනා පුරාවිද්‍යාත්මක ස්ථාන දෙලක්ෂ පනස්දහසකට ආසන්න ප්‍රමාණයක් මේ වනවිට හඳුනාගෙන ඇති බවත් එම වටිනා පුරාවිද්‍යාත්මක ස්ථාන සහ පුරාවිද්‍යා ස්මාරක සංරක්ෂණය කිරීම වෙනුවෙන් කිසිදු දේශපාලන බලවේගයකට යටත් නොවී, පුරාවස්තු ආඥාපනත අනුව පැවරී ඇති බලතල යටතේ වගකීමෙන් කටයුතු කිරීම තම අපේක්ෂාව බවත් අධ්‍යාපන අමාත්‍ය අකිල විරාජ් කාරියවසම් මහතා පවසනවා.
අමාත්‍යවරයා මේ අදහස් පළ කළේ අද(07) ට යෙදුණු ජාතික පුරා විද්‍යා දිනය නිමිත්තෙන් ශ්‍රී ලංකා පදනම් ආයතනයේ පැවති පුරාවිද්‍යා සමුළුවට එක්වෙමින්.
මතුගම සී.ඩබ්ලිව්.ඩබ්ලිව්. කන්නන්ගර විදුහලේ තෙමහල් ගොඩනැගිල්ල විවෘත කිරීම, පිහිනුම් තටාකයට හා තාක්ෂණ විද්‍යා පීඨයට මුල් ගල තැබීමේ උත්සවය අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රධානත්වයෙන් අද (03) සිදු කෙරුණා.
සෑම පාසලක්ම පහසුකම් සපිරි පාසලක් බවට පත් කිරීමේ අරමුණින් ක්‍රියාත්මක ළඟම පාසල හොඳම පාසල වැඩසටහන යටතේ මේ සඳහා මුදල් ප්‍රතිපාදන වෙන් කර තිබෙනවා. ළගම පාසල හොඳම පාසල වැඩසටහන දිවයින පුරා පාසල් 7,000 ක ක්‍රියාත්මක වන අතර එම පාසල්වල වැඩ විෂයයන් 18,500 ක් යටතේ පහසුකම් ඉහළ නැංවීමේ ව්‍යාපෘති මේ වන විට ක්‍රියාත්මකයි.
මෙම අවස්ථාවට ජනතා නියෝජිතයින් ඇතුලු පිරිසක් සහභාගි වුණා.
අවස්ථාවාදී දේශපාලන අරමුණු ඉටු කර ගැනීම සඳහා සැලසුම් සහගතව යම් යම් නීතිවිරෝධී සිදුවීම් ඇති කර පසුව එම සිදුවීම් පදනම් කරගෙන ජන ජීවිතයට බාධාවන අයුරින් උද්ඝෝෂණ හා වැඩවර්ජන කිරීමට ද එම පිරිස් සංවිධානාත්මකව කටයුතු කරමින් සිටින බව, ජාතීවාදය ඇවිස්සවීමේ සිද්ධි සහ ඊයේ (21) සෞඛ්‍ය අමාත්‍යාංශ ගොඩනැගිල්ල අත්පත් කරගැනීමේ සිද්ධිය අනුව පෙනී යන බවත් රජය මේ පිළිබඳව මනා අවබෝධයකින් කටයුතු කරන බවත් අධ්‍යාපන අමාත්‍ය අකිල විරාජ් කාරියවසම් මහතා පැවසුවා. අද (22) දැරණියගල සිරි සමන් මධ්‍ය මහා විද්‍යාලයේ දෙමහල් ගොඩනැගිල්ලක් විවෘත කිරීමේ උත්සවයේ ප්‍රධාන ආරාධිතයා ලෙස සහභාගි වෙමින් අමාත්‍යවරයා මේ බව සඳහන් කළා.
රංගිරි දඹුලු විහාරාධිපති ආචාර්ය ගොඩගම මංගල හිමියෝ ඊයේ(21)මාධ්‍ය හරහා මට චෝදනාවක් එල්ල කරනවා පුරාවිද්‍යාව සම්බන්ධ කරණා සහ රංගිරිදඹුලු විහාරය රජයට පවරා ගැනීමට යනවා කියල. සඟ සතු දේපල බලහත්කාරයෙන් අත්පත් කරගන්න රජයක් ලෙස අපට කිසිම අවශ්‍යතාවයක් නැහැ. අපි එහෙම ප්‍රතිපත්තියක කවදාවත් වැඩ කරලා නැහැ. පුරා විද්‍යා විෂය මගේ විෂයපථයට ඇතුළත් කරපු නිසා ලංකාවේ පුරාවිද්‍යා ක්ෂේත්‍රය ගැන ගැඹුරින් අපි අධ්‍යයනය කළා.මම රංගිරි දඹුලු රජමහ විහාරයේ සංචාරයක් කළා පෙබරවාරි මාසේ 11 වෙනිදා. එතකොට දැක්කා ඒ ලෙන් විහාර සහ චිත්‍ර නිසි අධීක්ෂණයකින් තොර වෙච්චි හින්ඳ ඒවාට වෙලා තියන හානිය. අක්‍රමවත් පරිපාලනය හින්ද දඹුල්ල පුරාවස්තු සහ චිත්‍ර එක්සත් ජාතීන්ගේ යුනෙස්කෝ ලෝක උරුම ලැයිස්තුවෙන් ඉවත්ව යාමේ අවදානමකුත් ඒ අවස්ථාවේ තිබුනා. මම යුනෙස්කෝ ආයතනයේ ලංකාවේ සභාපති ලෙසත්, විධායක කමිටු සාමාජිකයෙකු ලෙසත් කිසි ලෙසකින් මෙයට ඉඩදීමට පුළුවන්කමක් තිබුනේ නැහැ. ඒ අනුව යුනෙස්කෝ ආයතනයේ කොමසාරිස් එරිනා බෝකොව මැතිනිය ලංකාවේ සංචාරය කරනවා. අපි එතුමිය සිගිරිය වගේම දඹුල්ල විහාරය බලනන්නත් කැඳවාගෙන යනවා. යම් කිසි පුරාවිද්‍යාත්මක ස්ථානයක් ලෝක උරුමයක් ලෙස නම් කළ විට සංචාරක ආකර්ෂණය මෙන් ම එම රටට විශාල ගෞරවයක් එකතු වෙනවා.
