නවතම පුවත්

මෙවර ජනාධිපතිවරණය ජයග්‍රහණය කිරිම යනු 1988න් පසුව එක්සත් ජාතික පක්ෂය නොලැබුණු රාජ්‍ය නායකත්වය නැවත හිමිකර ගැනීම බව කුලියාපිටිය මැතිවරණ බල ප්‍රදේශයේ ප්‍රාදේශීය හා කොට්ඨාස මට්ටමින් පැවැති ජනහමු අමතමින් එක්සත් ජාතික පක්ෂ මහලේකම් අධ්‍යාපන අමාත්‍ය නීතිඥ, අකිල විරාජ් කාරියවසම් මහතා ප්‍රකාශ කළේය.

සජිත් ප්‍රේමදාස අමාත්‍යවරයාගේ ජනාධිපතිවරණ ජයග්‍රහණය වෙනුවෙන් එක්සත් ජාතික පක්ෂයේ හැමදෙනාම කැපවී ක්‍රියාකරන බවත් ජනපතිවරණ ජය හිමිවීමත් සමග ජනාධිපති, අගමැති හා කැබිනට් මණ්ඩලයේ සියලු දෙනාම එක්සත් ජාතික පක්ෂය ප්‍රමුඛ එක්සත් ජාතික පෙරමුණට ලැබෙන බවද අමාත්‍යවරයා කීවේය.

එක්සත් ජාතික පක්ෂය තුළ පැවති සියලු මතවාද හමාර කරමින් සජිත් ප්‍රේමදාස අමාත්‍යවරයා ජනාධිපතිවරණ අපේක්ෂකයා වශයෙන් ඒකමතිකව පත්කරනු ලැබීමෙන් පසුව ඔහුගේ ජයග්‍රහණය පතා සියලු දෙනා කටයුතු කරන බවත්, ඔහුගේ ජයග්‍රහණයත් සමග ඉදිරි අවුරුදු පහේ දි රටේ ඉතිරි සංවර්ධන ක්‍රියාදාමය සම්පූර්ණ ව හා සාර්ථක ව  ඉටුකිරීමට හැකිවන බවත් නිදහසේ ජීවත්වීම සඳහා ඇති කරන ලද වාතාවරණය නැවත ජනතාවට ලබාදීමට හැකිවන බවත් මහලේකම්වරයා පෙන්වා දුන්නේය.

          ජනාධිපතිවරණ සටන ජයග්‍රහණය කිරීම සඳහා දේශපාලන පක්ෂ පාට බේදයෙන් තොරව පක්ෂ හා සංවිධාන 47ක් හංසයාට සහයෝගය දීමට ගිවිසුම් අත්සන් කරන ලද බවත්, රාජපක්ෂ නම් එකම පවුලක් බලයට ගෙනවිත් ඔවුන්ගේ අවශ්‍යතා ඉටුකර ගැනීමට අවස්ථාව සලසා දීමට විරුද්ධව සියලු ප්‍රගතිශීලී බලවේග එකතු වී සිටින බවත් එක්සත් ජාතික පක්ෂ මහලේකම්වරයා වැඩිදුරටත් කීවේය.

මහලේකම්වරයා මෙසේ ද කීවේය.  “2015 දි අපේ ආණ්ඩුවක් පත්කර ගන්නට අපේ ම කියා ජනාධිපතිවරයකු හිටියේ නැහැ. නිර්පාක්ෂික වෙනවා යැයි කීවාට එතුමා නිර්පාක්ෂිකයෙක් ද කියා තමුන්නාන්සේලා දන්නවා. අපට මේ අවුරුදු තුනහමාරේ දී ජාතික ආණ්ඩුවක් වශයෙන් ක්‍රියා කළ නිසා බොහෝ කටයුතු කළ නොහැකි වුණා. බාධා මැද කළ හැකි හැමදේම කළා. අවසාන මාස හයේ දී තමයි අපට වේගයෙන් වැඩ කරන්න පුළුවන් වුණේ.”

“මෙදා ජනාධිපතිවරණයේ දි වෙනදාට වඩා ගම්වල ජනතාව උද්යෝගයෙන් ඉදිරියට ඇවිත් සිටිනවා. ඒ බව දවස ගානේ එකතුවන ජනතාවගෙන් පෙනෙනවා. කැපීපෙනෙන වෙනසක් සිදු වී තිබෙනවා. පොහොට්ටුවේ සාමාජිකයින් පවා අප සමග එක්වෙනවා, ‘හංසයා’ ජයග්‍රහණය කරවීම සඳහා ජනතාව තුළ වෙනදාට වඩා උද්යෝගයක් ඇති වී තිබෙනවා. පක්ෂ පාට බේදයෙන් තොරව එක් වී ජනාධිපතිවරණයෙන් ජය ලබා ගෙන රට සංවර්ධනය කොට නිදහසේ ජිවත්වීම සඳහා ලැබෙන අවස්ථාව පැහැර නොහරින ලෙස ජනතාවගෙන් ඉල්ලා සිටිනවා” යැයි ද මහලේකම්වරයා සඳහන් කළේය.

කුලියාපිටිය හම්මලව ප්‍රදේශයේ පැවති ජනාධිපතිවරණ ජන හමුව අමතමින් එක්සත් ජාතික පක්ෂ මහලේකම් අමාත්‍ය අකිල විරාජ් කාරියවසම් මහතා

කුලියාපිටිය පිදුම ප්‍රදේශයේ පැවති ජනාධිපතිවරණ ජන හමුව එක්සත් ජාතික පක්ෂ මහලේකම් අමාත්‍ය අකිල විරාජ් කාරියවසම් මහතාගේ සහභාගිත්වයෙන් පැවැත්වුණා.

මැදල්පොළ ප්‍රදේශයේ පැවති ජනාධිපතිවරණ ජන හමුව එක්සත් ජාතික පක්ෂ මහලේකම් අමාත්‍ය අකිල විරාජ් කාරියවසම් මහතාගේ සහභාගිත්වයෙන් පැවැත්වුණා.

 2019 නොවැම්බර් මස 16 වැනි දින පැවැත්වීමට නියමිත ජනාධිපතිවරණ ඡන්ද විමසීම සඳහා ඡන්ද මධ්‍යස්ථාන සහ ගණන් කිරීමේ මධ්‍යස්ථාන ලෙස පාසල් ගොඩනැගිලි සහ පාසල් පරිශ්‍ර යොදාගැනීමට මැතිවරණ කොමිසන් සභාව විසින් කරන ලද ඉල්ලීමට අනුව, 2019-11-15 දින දිවයිනේ සියලු ම පාසල්වලට නිවාඩු ලබාදීමට අධ්‍යාපන අමාත්‍යාංශය තීරණය කර ඇත.

එමෙන් ම, ඡන්ද මධ්‍යස්ථාන ලෙස ‍යොදාගන්නා සියලු පාසල් යථා පරිදි නැවත භාරදීමේ කොන්දේසියට යටත් ව 2019-11-14 වන දින පාසල් වේලාවෙන් පසු අදාළ ග්‍රාම නිලධාරීන් වෙත ලබාදීමට සහ එම පාසල්වල නොවැම්බර් 16 වැනි දින ඡන්ද විමසීම් කටයුතු සිදුකිරීමටත්, ඡන්ද ගණන් කිරීමේ මධ්‍යස්ථාන ලෙස යොදාගන්නා පාසල්  ඒ සඳහා යොදාගැනීමටත් අධ්‍යාපන අමාත්‍යාංශය විසින් මැතිවරණ ‍කොමිසම වෙත අනුමැතිය ලබා දී තිබේ.

හොරොම්බාව ප්‍රදේශයේ පැවති ජනාධිපතිවරණ ජන හමුව එක්සත් ජාතික පක්ෂ මහලේකම් අමාත්‍ය අකිල විරාජ් කාරියවසම් මහතාගේ සහභාගිත්වයෙන් පැවැත්වුණා.

එහිදී ශ්‍රී ලංකා නිදහස් පක්ෂයේ පළාත් පාලන මැතිවරණ අපේක්ෂකයන් පිරිසක් සහ ප්‍රාදේශීය සංවිධායකවරුන් එක්සත් ජාතික පක්ෂ මහලේකම් අමාත්‍ය අකිල විරාජ් කාරියවසම් මහතා හමුවී සිය සහාය පළ කර සිටියා.

පාසල් තුළ ඉගෙනුම් ඉගැන්වීම් ක්‍රියාවලියේ ඵලදායීත්වය ඉහළ නැංවීම සඳහා තොරතුරු හා සන්නිවේදන තාක්ෂණය යොදා ගැනීම කාලීන අවශ්‍යතාවක් ව පවතින අතර,  ඒ සඳහා  ඉඩ ප්‍රස්ථා පුළුල් කරමින් ඉගෙනුම් මෙවලමක් ලෙස භාවිත කිරීම පිණිස ලැප්ටොප් පරිගණක පාසල් වෙත ලබාදීමට අදාළ ව  අධ්‍යාපන අමාත්‍ය, නීතීඥ අකිල විරාජ් කාරියවසම් මහතා විසින් ඉදිරිපත් කරන ලද යෝජනාවට කැබිනට් අනුමැතිය ලැබි තිබේ.

ඒ අනුව,  දිවයිනේ පළාත් නවය ම නියෝජනය වන අයුරින් සෑම පළාතකින් ම එක් අධ්‍යාපන කලාපයක් බැගින් වන පරිදි තෝරාගත් 6 -11 ශ්‍රේණි සහිත ද්විතීයික පාසල් 665ක් වෙත මෙම ලැප්ටොප් පරිගණක ලබා දීමට පියවර ගැනේ.

මේ සඳහා රුපියල් බිලියන 2 ක් වෙන් කර ඇති අතර, 2022 වර්ෂය වනවිට දිවයින පුරා පිහිටි 6-11 ‍ශ්‍රේණි සහිත සියලු ම පාසල් වෙත ලැප්ටොප් පරිගණක බෙදාහැරීමට කටයුතු යොදා තිබේ. එක් එක් පාසල්වල  සිටින ශිෂ්‍ය සංඛ්‍යාව අනුව පදනම් වූ පොදු ක්‍රමවේදයක් යටතේ මෙම ලැප්ටොප් පරිගණක ලබාදීමට නියමිත ය.

ලැප්ටොප් පරිගණක ලබාදීමට අමතර ව ඒවා භාවිතය සඳහා අවශ්‍ය විදුලි ආරෝපණ පහසුකම් (charging Facility) ඇතුළු යටිතල පහසුකම් ද, විදුලිය නොමැති පාසල් සඳහා විදුලිබල පහසුකම් ද  ලබාදීමට පියවර ගැනේ.

Search