නවතම පුවත්

රටේ අනාගතය  රඳා පවතින්නේ දරුවන්ගේ අනාගතය මතයි.
රටේ ඉදිරි ගමන වෙනුවෙන් දරුවන්ගේ අනාගතය හැඩගැස්වීම උදෙසා පාසල් අධ්‍යාපනය තුළින් ලබා දිය හැකි දායකත්වය ඉතා විශාලය.
නිදහස් අධ්‍යාපනය ක්‍රියාත්මක වන ලංකාව වැනි  රටක අප මේ ජිවත් වන්නේ අධ්‍යාපනය සැබෑ ලෙස නිදහස්වන කාල වකවානුවකයි.
දේශපාලන සහ සමාජීය බලපෑම් හේතුවෙන් පාසල් අධ්‍යාපනය නිසි මගකට ගැනීමට  ගත වූ වසර කිහිපයේ අපොහොසත් වූ අප, දැන් ගත කරනුයේ 'බැහැ' කී සියල්ල 'කළ හැකි බව ' සනාථ කරන අවදියකය.
ගෙවී ගිය වසර හතරක කාලයක තුළ මෙරට පාසල් අධ්‍යාපනය 'විප්ලවීය මාවතකට ' පිළිපන් අතර වත්මන් අග්‍රාමාත්‍ය රනිල් වික්‍රමසිංහ මහතාගේ මගපෙන්වීම මත අධ්‍යාපන අමාත්‍ය අකිල විරාජ් කාරියවසම් මහතාගේ නායකත්වය ඊට ප්‍රධානතම සාධකය බවට පත් විය.
ගෙවුණු සිව් වසරේ මෙරට පාසල් අධ්‍යාපනයේ ක්‍රියාත්මකවූ  ඉතිහාසගත වැඩසටහන් රැසකි.

•  13 වසරක සහතික කළ අධ්‍යාපනය
  • සිසුන්ට තෝරාගතහැකි ලෙස නව ලොවට ගැළපෙන වෘත්තීය විෂයන් 26 ක් ඇතුළත් උසස් පෙළ වෘත්තීය විෂයධාරා හඳුන්වා දීම. 
  • මේ යටතේ සාමාන්‍ය පෙළ සමත් අසමත්භාවය නොසලකා 13වසරක අධ්‍යාපනයක් ලැබීමට සිසුන්ට අවස්ථාව.
  • වෘත්තීය විෂයයන් හදාරන සියලූ සිසුන්ට ආයතනික පුහුණු කාලය තුළ දිනකට රුපියල් 500 බැගින් වන දීමනාවක් 
  • රැකියාගත පුහුණු කාලසීමාව අවසානයේදී  NVQ Level 4 මට්ටමේ ප්‍රවීණතා සහතිකය සමඟ  විභාග දෙපාර්තමේන්තුවෙන් වෘත්තිය අධ්‍යාපනය පිළිබඳ  උසස්  සහතිකය  පිරිනැමේ. (Advanced Certificate in Vocational Education) 
  •                                    

                 

•  අධ්‍යාපන පද්ධතිය ඩිජිටල්කරණයට
  • ප්‍රථම වතාවට ලෝකයේ කොතැනක සිටියත් සාමාන්‍ය පෙළ සහ උසස් පෙළ විභාග සහතික ධභඛෂභෑ ක්‍රමයට ලබාගැනීමේ අවස්ථාව.
  • අධ්‍යාපන පද්ධතියේ ප්‍රතිපත්තිමය තීන්දු තීරණ හා ක්‍රියාමාර්ග, ගුරු ගැටළු ආදියට කඩිනමින් විසඳුම් ලබාගැනීමට හැකි අයුරින් මෙරට සියලූ ගුරුවරුන්ගේ සහ සිසුන්ගේ තොරතුරු ONLINE ක්‍රමයට.
  • 5 ශ්‍රේණිය ශිෂ්‍යත්ව සමතුන්ට ශිෂ්‍යාධාර මුදල් ONLINE ක්‍රමයට
                                                                     
                 
• පාසල් අධ්‍යාපනයට නව පනතක
 
  • යටත් විජිත සමයේ සිට පැවති 1939 අංක 31 දරන අධ්‍යාපන ආඥා පනත වෙනුවට දැනට තිඛෙන අධ්‍යාපනය හා සම්බන්ධ පනත්, ළමා අයිතිවාසිකම් පිළිබඳ අන්තර්ජාතික ප්‍රඥප්ති, අධ්‍යාපනය පිළිබඳ ගෝලීය ප්‍රවණතා හා දේශීය අවශ්‍යතා හඳුනාගනිමින් නව අධ්‍යාපන පනතක් ගෙන ඒමට පියවර. 

•  කලණ මිතුරු - පොත් සුමිතුරු
  • පාසල් සිසු දරුවන් අතර පොත් කියවීමේ පුරුද්ද ඇති කිරීම සඳහා ආරම්භ කර ඇති මෙම වැඩසටහන යටතේ වසරේ වැඩිම පොත් කියවූ දරුවන්ට පදක්කම් 
  • විශිෂ්ටයන් 100කට විදෙස් අධ්‍යාපන සංචාරයක්.
  • පාසල් පුස්තකාල පොත් මිළ දී ගැනීමට රුපියල් මිලියන 700 ක්. 
  • ගුණාත්මක පොත්පත් හඳුනාගැනීම සදහා මගපෙන්වන ජාතික ග්‍රන්ථ නාමාවලියක්.
                         
•  ගෝලීය අවශ්‍යතාවන්ට ගැළපෙන විෂයමාලා සංවර්ධනය
 
  • 21 වැනි සියවසේ ගෝලීය අභියෝගවලට සාර්ථක ව මුහුණ දිය හැකි පුරවැසියෙක් බිහිකිරීම සඳහා ගැළපෙන පරිදි පාසල් විෂය මාලාව නවීකරණයටත්, සංවර්ධනයටත් පියවර. 
  • විසිඑක්වන සියවසේ ගුරු භූමිකාවට උචිත පරිදි ගුරු අධ්‍යාපන විෂය මාලා සංශෝධනය හා යාවත්කාලීන කිරීම
  • විද්‍යා, තාක්ෂණ, ඉංජිනේරු සහ ගණිත විෂය නිපුණතාවන්ට නැඹුරු අධ්‍යාපනයක් (STEM)
•  යටිතල පහසුකම් සහ අනෙකුත් පහසුකම් නගා සිටුවීම
  • විද්‍යාගාර පහසුකම් නැති පාසල් 3,000 ක් සදහා රුපියල් මිලියන 450 ජංගම විද්‍යා කට්ටල ලබාදීම 
  • ගුරු අධ්‍යාපන විද්‍යාපීඨවල නේවාසිකාගාර දේශන ශාලා සහ යටිතල පහසුකම් වැඩි දියුණු කිරීම
  • අංග සම්පූර්ණ ගුරු පුහුණු මධ්‍යස්ථාන 39 ක් කලාප මට්ටමින් ඇති කිරීම
  •  වතු පාසල් නගාසිටුවීම යටතේ පාසල් 25 ක් ද්විතියික පාසල් බවට පත්කිරීමේදී අවශ්‍ය නව ඉදිකිරීම් වෙනුවෙන් රුපියල් මිලියන 102ක් , පුනරුත්ථාපන කටයුතු වෙනුවෙන් රුපියල් මිලියන 35ක්, භාණ්ඩ හා සේවා මිලදී ගැනීමට රුපියල් මිලියන 112ක්
  •  ඉ - තක්සලාව ඉගෙනුම් අන්තර්ගත කළමනාකරණ පද්ධතියක් බිහිකිරීමේ ව්‍යාපෘතිය සඳහා රුපියල් මිලියන 4,714ක් 
• ළඟම පාසල-හොඳම පාසල
  • මේ යටතේ ඉතිහාසයේ ප්‍රථම වරට පාසල් 9000 ක් එකවර සංවර්ධනය කිරීමට පියවර. 
  • සමස්ත මූල්‍ය ආයෝජනය රුපියල් මිලියන 65,000කි. 
  • ව්‍යාපෘති සංඛ්‍යාව 18,000කි.
 
      පාසල් 98%කට විදුලිය, 
      සනීපාරක්ෂක පද්ධති 3,094ක්,
      වැසිකිළි ඒකක 40,000ක්, 
      නව පාසල් ගොඩනැගිලි 1,500ක්, 
      ගොඩනැගිලි අලූත් වැඩියා කිරීම් 5,000ක්,
      ප්‍රාථමික ඉගෙනුම් මධ්‍යස්ථාන 294ක්, 
 
  • මීට අමතර ව නව පරිගණකාගාර, සුහුරු පන්ති කාමර, ද්විතීයික තාක්ෂණික විද්‍යාගාර ගුරු නිවාස, විදුහල්පති නිවාස, මෙම ව්‍යාපෘතිය මගින් ඉදිකර ඇත.

  • ජන ඝනත්වය වැඩි දිස්ත්‍රික්ක කේන්ද්‍ර කර ගනිමින් සියලූ පහසුකම් සපිරි පාසල් ව්‍යුහයක් ඇති කිරීම(මේ යටතේ කුරුණෑගල මගුරුඔය වත්තේ විශ්වෝදා ජාතික පාසල ආරම්භ කර ඇත. ජන ඝනත්වය වැඩි අනෙකුත් දිස්ත්‍රික්කවල ද මේ වන විටත් මෙවැනි    පහසුකම් සපිරි පාසල් ඉදි කිරීමට කටයුතු කිරමින් පවතී.)
 
               
• සුරක්ෂා සිසුරක්ෂණාවරණය
  • නිදහස් අධ්‍යාපනයෙහි සුවිශේෂී සන්ධිස්ථානයක් සනිටුහන් කරන, සුරක්ෂා  සිසුරක්ෂණාවරණය මගින් අවුරුදු 5-21 වයස් සීමාවේ සිටින මිලියන 4.5ක් වූ සියලූම රජයේ පාසල්, පෞද්ගලික පාසල්, පිරිවෙන් හා ජාත්‍යන්තර පාසල්වල සිසුන් සඳහා ප්‍රතිලාභ හිමිවේ.
  • 2018-12-01 සිට 2019-08-08 දින වනවිට සුරක්ෂා රක්ෂණය යටතේ ඉල්ලීම් 19,000කට පමණ රුපියල් මිලියන 890ක පමණ ප්‍රතිලාභ ගෙවා ඇත.


•  පාසල් සිසුන්ට නොමිලේ ටැබ් පරිගණක
  • පාසල් සිසුන් සහ ගුරුවරුන් සඳහා ටැබ් පරිගණක ලබා දීමට පියවර. 
  • පළමු අදියර යටතේ මෙම සැත්තැම්බර් මාසයේදී සියලූ ජාතික පාසල්වල  උසස්  පෙළ සිසුන්ට සහ ගුරුවරුන්ට ටැබ් පරිගණක 97,000ක්.
  • දෙවන අදියරේදී සියලූම පාසල්වල උසස් පෙළ සිසුන්ට සහ ගුරුවරුන්ට ටැබ් පරිගණක 
       
•සුබග ශිෂ්‍යත්ව වැඩසටහන
  • නව නිපැයුම්, සෞන්දර්ය ක්‍රියාකාරකම් සහ ක්‍රීඩා ක්ෂේත්‍රවල විශේෂ දක්ෂතා දක්වන සුබග සිසුන් 1,000ක් වසරක් පාසා තෝරාගනිමින් ඔවුන් සඳහා රු. 50,000ක් බැගින් ශිෂ්‍යත්ව ලබා දීම.
           
• පාසල් ක්‍රීඩා පුහුණුකරුවන් 3888ක්
  • ඉතිහාසයේ පළමු වරට පාසල් ක්‍රීඩා පුහුණුකරුවන් 3888ක් බඳවාගැනීම 
  • මෙම පුහුණුකරුවන් තෝරාගනු ලැබූවේ ක්‍රීඩා ක්ෂේත්‍රයන් ජාත්‍යන්තර, ජාතික හා පළාත් මට්ටමින් දක්ෂතා දැක්වූ ක්‍රීඩක ක්‍රීඩිකාවන් අතරින් වීම විශේෂත්වයකි.
           
•  බඳවාගැනීම් සහ දීමනා
  •   ගුරුවරුන් - 20,110
  •  ගුරු අධ්‍යාපනඥයින් - 353
  •   විදුහල්පතිවරුන් - 5,819
  •   අධ්‍යාපන පරිපාලන නිලධාරීන් - 722
 
  • විද්‍යාපීඨ ඩිප්ලෝමාධාරීන් 4,286කට සැත්තැම්බර් මාසයේ දී ගුරුපත්වීම් ලබාදීටම පියවර
  • ශ්‍රී  ලංකා ගුරු උපදේශක සේවාව ස්ථාපිත කරමින් ගුරු උපදේශකයින් 4,471බඳවාගැනීමට පියවරගෙන ඇත 
  • විදුහල්පතිවරුන් සඳහා පැවති දීමනාව රු 750 සිට රු 6,500 දක්වා වැඩි කිරීම
  • විද්‍යාපීඨ සදහා බදවාගන්නා ශික්ෂණලාභීන් ප්‍රමාණය 3,500 සිට 4,000 දක්වා වැඩි කිරීම. 
  • එකවර සිසුන් 8,000ක් මෙවර විද්‍යාපීඨ සඳහා බඳවා ගැනීම.
  • විද්‍යාපීඨ ශික්ෂණලාභීන්ගේ දීමනාව රු. 3,500 සිට 5,000 දක්වා වැඩි කිරීම
  • වතු පාසල් හා ධර්මාචාර්ය ගුරු සහායක දීමනාව රු. 6,000 සිට 10,000 දක්වා වැඩි කිරීම
                                                          •  මානව සම්පත් සංවර්ධනය
  • ගුරු, විදුහල්පති, ගුරු අධ්‍යාපනඥ අධ්‍යාපන පරිපාලන නිළධාරීන්ගේ විදෙස් පුහුූණු අවස්ථා සඳහා කරන ලද වියදම  රුපියල් මිලියන 269ක් 
  • සිංගප්පූරුව, ඕස්ටේ්‍ර්‍රලියාව,ජපානය,කොරියාව,පිලිපීනය,ඉන්දියාව,බි්‍රතාන්‍ය රුසියාවතායිලන්තය, මැලේසියාව, චීනය යන  විදෙස්  රටවල  පුහුණුව ලැබූ ගුරු, විදුහල්පති, ගුරු අධ්‍යාපනඥ අධ්‍යාපන පරිපාලන නිළධාරීන්ගේ සංඛ්‍යාව 2,913කි   
       •  ගුරු 653  • විදුහල්පති 719   • ගුරු අධ්‍යාපනඥ 1,023   • අධ්‍යාපන පරිපාලන 418
 
•  පිරිවෙන් අධ්‍යාපනය නංවාලීම
  • පිරිවෙන් පුස්තකාල පොත් සහ කාර්යාල උපකරණ සඳහා රුපියල් මිලියන 10 ක් 
  • පරිවෙණාචාර්ය පත්වීම් 600ක්
  • පරිවේණාධිපති කාර්යාල සෑදීම සඳහා රුපියල් මිලියන 70 ක ප්‍රතිපාදන
  • රුපියල් 260,000 බැගින්  පිරිවෙන් 485 ක් සඳහා යටිතල පහසුකම් සංවර්ධනයට රුපියල් මිලියන 200ක් 
  • රුපියල් ලක්ෂ 9 ක් වටිනා සනීපාරක්ෂක පහසුකම් පිරිවෙන් 100 ක් සඳහා ලබා දීම
  • පිරිවෙන්වල ඉගෙනුම ලබන සියලූම ශිෂ්‍ය ස්වාමීන් වහන්සේලාගේ ඉගෙනුම් කටයුතු වෙනුවෙන් රුපියල් මිලියන 150ක් ලබාදීමට පියවර
  • බෞද්ධ දස සීල මාතා අධ්‍යාපන ආයතන නීතිගත කිරීම සහ එම ආයතනවල සංවර්ධන කටයුතු සඳහා අවශ්‍ය පහසුකම් ලබාදීමට පියවර
                 
•  ප්‍රතිපත්තිමය ක්‍රියාමාර්ග
  • ගුරුමාරු ප්‍රතිපත්තිය ක්‍රියාවට නැංවිම 
  • එකම පාසලක සේවා කාලය වසර 10ට වැඩි සියලූ ගුරුවරුන්ට ස්ථාන මාරු
  • ජාතික අධ්‍යාපන  ශික්ෂණ විද්‍යා ඩිප්ලෝමාව අධ්‍යාපනවේදී උපාධිය තෙක් ඉහළ නැංවීම
  • නිල ඇදුම් රෙදි වෙනුවට පාසල් දරුවන් සදහා නිල ඇදුම් වවුචර පත් ලබාදීම
  • පළවෙනි ශ්‍රේණියට  ළමුන් ඇතුලත් කිරීමට පැවති ක්‍රමවේදය සාධාරණ සහ යුක්ති සහගත ලෙස සංශෝධනය කිරීම
 
 
 
 
 
 

 

2020 වර්ෂය සඳහා නොමිලේ ලබාදෙන පෙළපොත් බෙදා හැරීම අද (16) හෝමාගම පිටිපන පිහිටි අධ්‍යාපන ප්‍රකාශන දෙපාර්තමේන්තු ගබඩා සංකීර්ණයේ දී නිල වශයෙන් ආරම්භ වුණා.

ඒ, අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ ප්‍රධානත්වයෙන්.

නොමිලේ පෙළපොත් ලබාදීම සඳහා පමණක් රජය මෙවර රුපියල් මිලියන 4,165ක් වැය කර ඇති අතර පොත් වර්ග 448කින් පිටපත් මිලියන 43ක් සිසුන් අතට පත්කිරීමට නියමිතයි.

2020 වර්ෂය සඳහා නොමිලේ ලබාදෙන පෙළපොත් බෙදා හැරීම නිල වශයෙන් ආරම්භ කළ අවස්ථාවේ ඡායාරූප මේ සමග දැක්වෙනවා.

රජයේ සියලු පාසල් සිසු දරුවන්ට හා පිරිවෙන් ශිෂ්‍ය භික්ෂූණ්වහන්සේහට 2020 වර්ෂය සඳහා නොමිලේ ලබාදෙන පෙළපොත් බෙදා හැරීම 2019 අගෝස්තු 16 වැනිදා සිකුරාදා නිල වශයෙන් ඇරඹේ.

 අධ්‍යාපන අමාත්‍ය, නීතිඥ අකිල විරාජ් කාරියවසම් මහතාගේ ප්‍රධානත්වයෙන් එදින පෙ.ව. 10.30 ට හෝමාගම පිටිපන පිහිටි අධ්‍යාපන ප්‍රකාශන දෙපාර්තමේන්තු ගබඩා සංකීර්ණයේ දී පෙළ පොත් බෙදාහැරීමේ නිල උත්සවය පැවැත්වේ.

2019 වසරේ අවසන් වාරයේ පාසල් නිවාඩුවට පෙර සමස්ත පාසල් දරුවන්ට 2020 වසර සඳහා පෙළ පොත් ලබාදීම හා ගුරුවරුන්ට ගුරු මාර්ගෝපදේශ සංග්‍රහ ලබාදිය යුතු බවට අධ්‍යාපන අමාත්‍ය, නීතිඥ අකිල විරාජ් කාරියවසම් මහතා අධ්‍යාපන ප්‍රකාශන දෙපාර්තමේන්තුවට උපදෙස් දී ඇත.

නොමිලේ පෙළපොත් ලබාදීම සඳහා පමණක් රජය මෙවර රුපියල් මිලියන 4,165ක් වැය කරයි. පොත් වර්ග 448කින් පිටපත් මිලියන 43ක් සිසුන් අතට පත්කිරීමට නියමිතය.

පිරිවෙන් ශිෂ්‍ය භික්ෂූණ්වහන්සේ සඳහා 1 ශ්‍රේණියේ සිට 5 ශ්‍රේණිය දක්වා පොත් වර්ග 54ක් පිරිනැමේ. 1සිට 11 ශ්‍රේණිය දක්වා පාසල් සිසුන්ගේ පෙළපොත් සහ 12 ශ්‍රේණියේ සාමාන්‍ය ඉංග්‍රීසි පෙළ පොත ද මේ පොත් වර්ග 448 අතරට අයත් ය.

සියලුම ජාතින පාසල් හා සිසුන් 1500ට වැඩි පළාත් පාසල් වෙත සෘජුවම අධ්‍යාපන ප්‍රකාශන දෙපාර්තමේන්තුව මගින් පෙළපොත් හා ගුරු මාර්ගෝපදේශ සංග්‍රහ සපයනු ලබයි. රට පුරා කොට්ඨාස අධ්‍යාපන කාර්යාල හා තෝරාගත් පාසල්වල ස්ථාපිත කරන බෙදාහැරීමේ මධ්‍යස්ථාන 1175 වෙතින් සෙසු සියලු  පාසල් සඳහා පෙළපොත් හා ගුරුමාර්ගෝපදේශ සංග්‍රහ සපයන බව අධ්‍යාපන කොමසාරිස් ජනරාල් ජයන්ත වික්‍රමනායක මහතා පවසයි.

'ළඟම පාසල හොඳම පාසල' ව්‍යාපෘතිය යටතේ දිගම්පිටිය ශ්‍රී පියරතන මහා විද්‍යාලයේ ඉදිකිරීම් නිම කර ඇති ද්විතීයක කනිෂ්ඨ විද්‍යාගාරය සිසු අයිතියට පත් කිරීම අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සහ අධ්‍යාපන අමාත්‍ය අකිල විරාජ් කාරියවසම් මහතාගේ සහභාගිත්වයෙන් සිදු කෙරුණා . රාජ්‍ය අමාත්‍ය ජේ.සී.අලවතුවල මහතාද මෙම අවස්ථාවට එක් වුණා.

එම උත්සවයේ විශේෂ අවස්ථා මෙසේයි.

 

අධ්‍යයන පොදු සහතික පත්‍ර සාමාන්‍ය පෙළ සමත් - අසමත්භාවය නොසලකා සෑම සිසුවෙකුට ම වසර දහතුනක අඛණ්ඩ පාසල් අධ්‍යාපනයක් හිමිකර දෙන 13 වසරක සහතික කළ අධ්‍යාපන වැඩසටහන සඳහා තවත් ගුරුවරුන් පන්දහසක් අලුතින් බඳවා ගැනීමට අධ්‍යාපන අමාත්‍යාංශය පියවර ගනී.

මෙම ගුරුවරුන් බඳවා ගැනීමට අවශ්‍ය මූල්‍ය ප්‍රතිපාදන වෙන්කරන ලද බව මුදල් අමාත්‍යාංශයේ ලේකම්වරයා විසින් අධ්‍යාපන අමාත්‍ය, නීතිඥ අකිල විරාජ් කාරියවසම් මහතා ට දැනුම් දී ඇත.

2020 වර්ෂය සඳහා නොමිලේ පෙළපොත් බෙදාහැරීමේ සමාරම්භක උත්සවයේ දී අමාත්‍යවරයා අද (2019-08-16) ඒ බව ප්‍රකාශ කළේය.

මෙම වෘත්තීය ප්‍රවේශයක් සහිත නව අධ්‍යාපන වැඩසටහන ක්‍රියාත්මක කිරීම පිණිස මීට පෙර ගුරුවරුන් 1500ක් බඳවා ගන්නා ලද බවත් අමාත්‍යවරයා පැවසීය.

2017 වසරේ සිට ක්‍රියාත්මක වන මෙම උසස් පෙළ වෘත්තීය විෂයධාරාව යටතේ සිසුන්ට නවලොව රැකියා වෙළඳපොල ජයගත හැකි වෘත්තීය විෂයයන් 26ක් හඳුන්වා දී තිබේ.

ඔවුන්ගේ රැකියාගත පුහුණු කාලසීමාවේ දී දෛනිකව රුපියල් 500/- දීමනාවක් ගෙවීමට ද අධ්‍යාපන අමාත්‍යාංශය පියවර ගෙන ඇත.

ළඟම පාසල හොඳම පාසල” ව්‍යාපෘතිය යටතේ පරගහදෙණිය ජාතික පාසලේ ඉදිකිරීම් නිම කර ඇති පරිපාලන ගොඩනැගිල්ල සිසු අයිතියට පත් කිරීම අග්‍රාමාත්‍ය රනිල් වික්‍රමසිංහ මහතාගේ සහ අධ්‍යාපන අමාත්‍ය අකිල විරාජ් කාරියවසම් මහතාගේ සහභාගිත්වයෙන් සිදු කෙරුණා

 ශ්‍රී ලංකාවේ  පාසල් දරුවන් අතර පොත් කියවීමේ පුරුද්ද ඉහළ නැංවීමත්, ඔවුන් කියවීමට දිරිගැන්වීමත්  අරමුණු කරමින්, පාසල් පද්ධතිය වෙත හඳුන්වා දී ඇති කලණ මිතුරු පොත් සුමිතුරු - ජාතික කියවීම් ප්‍රවර්ධන වැඩසටහන මේ වනවිට පාසල් සිසුන් අතර ඉතා ප්‍රචලිත ව පවතින අතර, එහි පළමු අදියරේ සිසු ඇගයීම් කටයුතු ‍එළඹෙන සැප්තැම්බර් මාසයේ දී සිදුකිරීමට නියමිතයි.

තාක්ෂණය තුළින් නව ලොව දැනුම සොයා යන දරුවන් තුළ පොත් කියවීමේ පුරුද්ද ඇති කිරීම කාලීන අවශ්‍යතාවක් සේ හඳුනා ගනිමින් අධ්‍යාපන අමාත්‍ය, නීතීඥ අකිල විරාජ් කාරියවසම් මහතාගේ සංකල්පයක් අනුව පසුගිය වසරේ අගෝස්තු මාසයේ සිට ක්‍රියාවට නංවා ඇති මෙම වැඩසටහන යටතේ  පාසල්, කලාප, පළාත් සහ ජාතික වශයෙන් ප්‍රධාන අදියර 4ක් යටතේ සිසුදරුවන්ගේ කියවීම් කුසලතා මැන බැලීමක් සිදුකෙරේ. දිවයිනේ සියලු ම පාසල්වල  6- 13 ශ්‍රේණිවල සිසුන්ට ‍ මෙම වැඩසටහන‍‍ට එක්වෙමින් පොත්පත් කියවීම වැඩිදියුණු කරගැනීමේ අවස්ථාව සලසා තිබේ.

කියවීමට වඩාත් සුදුසු ගුණාත්මක පොත් පත් හඳුනාගනිමින්, නිරන්තර කියවීම් පුරුදු  වැඩිදියුණු කරගනිමින්, ඒ හරහා දැනුම,අවබෝධය සහ රසවින්දනය වැඩිදියුණු කරගනිමින් පොත් පත් පරිශීලනය කිරීමේ කුසලතා සංවර්ධනය කරගැනීමට මෙම වැඩසටහන පැහැදිලි පිටුබලයක් සපයයි.  මේ සඳහා සහභාගී වන සියලු සිසුන්ට, තමන් විසින් කියවා රසවිඳින පොත් සම්බන්ධ ව සාහිත්‍යමය විචාර වාර්තාවක් සකස් කිරීමට ද පැවරෙයි. එම වාර්තා අතරින් විශිෂ්ටතම වාර්තා සම්පාදනය කරන සිසුන්ට වසරේ හොඳම පාසල් කියවන්නන් අතරට එක්ව ප්ලැටිනම්, රන් සහ රිදී පදක්කම් හිමි කරගැනීමට අවස්ථාව සැලසෙයි. ඒ අනුව මේ වසරේ   වැඩිම පොත් ප්‍රමාණයක් කියවමින් පදක්කම්  හිමිකරගැනීමට සූදානමින් සිටින සිසුන් සංඛ්‍යාව 3000කට ආසන්න ය.  පොත් 100ට වැඩියෙන් කියවා වාර්තා සම්පාදනය කර එවූ සිසුන්ට ප්ලැටිනම් පදක්කමත්, පොත් 75-100ත් අතර කියවූ සිසුන්ට රන් පදක්කමත්, පොත් 50-75ත් අතර කියවූ සිසුන්ට රිදී පදක්කමත් මේ අනුව ලබාදීමට නියමිත ය.

වැඩිම පොත් සංඛ්‍යාවක් කියවා ප්ලැටිනම් පදක්කම් ලබන සිසුන් අතරින් ජාතික මට්ටමින් හඳුනාගන්නා විශිෂ්ටත ම සිසුන් සියදෙනෙකුට, ඉදිරි මාස තුන ඇතුළත චීනයේ අධ්‍යයන සංචාරයක් සඳහා අවස්ථාව ලබාදීමට ද අධ්‍යාපන අමාත්‍යතුමන්ගේ උපදෙස් පරිදි මේ වනවිට සියලු කටයුතු සූදානම් ව පවතී.

දිවයිනේ සියලු පාසල් පුස්තකාල සංවර්ධනය කර, දරුවන් කියවීමට නැඹුරු කරවීම ජාතික වගකීමක් සේ හඳුනාගනිමින් කටයුතු කළ යුතු බව අධ්‍යාපන අමාත්‍ය අකිල විරාජ් කාරියවසම් මහතා අවධාරණය කරන අතර, පාසල් දරුවන් දැනුම සහ අවබෝධය  සපිරි නිර්මාණශීලී දරුවන් පාසල් පද්ධතිය තුළින් බිහිකිරීම වෙනුවෙන් කලණ මිතුරු පොත් සුමිතුරු කියවීම් ප්‍රවර්ධන වැඩසටහන නිසැකවම සැබෑ සමාජ උත්ප්‍රේරකයක් වන බව ද අමාත්‍යවරයා සඳහන් කරයි.

මේ වනවිටත් මෙරට පාසල් පුස්තකාල වෙත පොත් ලබාදීම වෙනුවෙන් අධ්‍යාපන අමාත්‍යතුමන්ගේ උපදෙස් පරිදි රුපියල් මිලියන 700ක මුදලක් ලබා දී ඇති අතර, එය පාසල් පුස්තකාල වෙනුවෙන් ඉතිහාසයේ මෙතෙක් ලබාදී ඇති වැඩිම මූල්‍ය ප්‍රතිපාදනය ද වෙයි. එමෙන් ම පාසල් දරුවන් සඳහා සුදුසු ප්‍රමිතියකින් යුත් ගුණාත්මක පොත් පමණක් පාසල් පුස්තකාල වෙත ලබාදීම වෙනුවෙන් අධ්‍යාපන අමාත්‍යාංශය ප්‍රථම වරට පාසල් පුස්තකාල සඳහා නිර්දේශිත ග්‍රන්ථ නාමාවලියක් ද මේ වනවිට සම්පාදනය කර තිබේ.

වසරක් පාසා අඛණ්ඩ ව ක්‍රියාවට නංවනු ලබන මෙම වැඩසටහන සම්බන්ධ සියලු විස්තර ඇතුළත් චක්‍රලේඛ සියලු පාසල් වෙත යොමුකර ඇති අතර, අධ්‍යාපන අමාත්‍යාංශයේ www.moe.gov.lk වෙබ් අඩවියෙන් ද මේ සම්බන්ධ වැඩිදුර තොරතුරු දැනගත හැකි ය.   

ගෝලීය අධ්‍යාපන ඉලක්ක ජයගත හැකි පරිදි මෙරට පාසල් සිසුන්ගේ ඉංග්‍රීසි  භාෂා කුසලතා ඉහළ නැංවීමට පියවර ගත යුතු බව අධ්‍යාපන අමාත්‍ය, නීතීඥ අකිල විරාජ් කාරියවසම් මහතා සඳහන් කරයි.

ඒ අනුව, ජාතික අධ්‍යාපන ආයතනය මගින් ලබා දී ඇති විෂය මාලාව වඩාත් ඵලදායී ව භාවිත කරමින් ඉංග්‍රීසි භාෂාවට අදාළ ඉගෙනුම් සැලසුම් සකස්කර පන්ති කාමරයේ ඉගෙනුම් ඉගැන්වීම් ක්‍රියාවලියෙහි නිරතවන ගුරුවරුන් සඳහා චක්‍රලේඛයක් සහ උපදෙස් සංග්‍රහයක් නිකුත් කිරීමට ද මේ වනවිට පියවර ගෙන ඇත. එම උපදෙස් සංග්‍රහය අනුව ඉදිරියේ දී සිසුන්ගේ සන්නිවේදන කටයුතු ඉංග්‍රීසි භාෂාවෙන් සිදුකිරීමට සතියකට එක් දිනක් සියලු පාසල්වල ඉංග්‍රීසි සන්නිවේදන දිනයක් ලෙස පැවැත්වීමට ද යෝජනා කර ඇත.

පසුගිය වසර කිහිපය තුළ අධ්‍යාපන අමාත්‍යාංශය හා පළාත් සහ කලාප අධ්‍යාපන කාර්යාල  විසින් පාසල් පද්ධතිය තුළ සිදුකරනු ලැබූ සුපරීක්ෂණ ක්‍රියාවලියේ දී ඉංග්‍රීසි ඉගෙනුම් ඉගැන්වීම් ක්‍රියාවලිය තුළ හඳුනාගත් සංවර්ධනය විය යුතු ක්ෂේත්‍ර රැසක් නිරීක්ෂණයට ලක් වූ අතර, එම ක්ෂේත්‍ර සංවර්ධනය කිරීම අරමුණු කරගනිමින් ඊට අදාළ ප්‍රතිකාර්ය වැඩසටහන් ක්‍රියාත්මක කිරීමට ද අධ්‍යාපන අමාත්‍යතුමන්ගේ උපදෙස් අනුව මේ වනවිට පියවර ගෙන ඇත.

මීට අමතර ව, විභාග දෙපාර්තමේන්තුව, ජාතික අධ්‍යාපන ආයතනය හා අධ්‍යාපන ප්‍රකාශන දෙපාර්තමේන්තුව සමග එක් ව වඩාත් ඵලදායී ලෙස සිසුන් වැඩලෝකයට සූදානම් කළ හැකි පරිදි විෂය මාලා, පෙළ පොත්, සහ විභාග ක්‍රමවේදය සකස් කිරීමට ද යෝජනා කර ඇත.

මේ දක්වා පාසල් මට්ටමෙන් නිසි ලෙස ක්‍රියාත්මක නොවූ සිසුන්ගේ ඉංග්‍රීසි කථන සහ ශ්‍රවන කුසලතා ඉගැන්වීම ඇගයීම සඳහා වැඩපිළිවෙළක් ද මේ වනවිට සියලු ම පළාත් වෙත හඳුන්වා දී තිබේ. ඒ අනුව, සියලු පළාත් ඉංග්‍රීසි සම්බන්ධීකාරකවරුන් සමග සාකච්ඡා කර පැමිණි එකඟතාවකට අනුව, විභාග දෙපාර්තමේන්තුව, ජාතික අධ්‍යාපන ආයතනය හා ජාතික අධ්‍යාපන විද්‍යාපීඨ කථිකාචාර්යවරුන් සහ බ්‍රිතාන්‍ය කවුන්සිලයේ උපදේශකවරුන්ගෙන් සමන්විත මණ්ඩලයක් විසින් ශ්‍රවණ හා කථන ඇගයීම් නිර්ණායක සකස් කර සියලුම පළාත් වෙත මේ වනවිට ලබා දී ඇත.

ඒ අනුව, මේ වසරේ දෙවැනි පාසල් වාරයේ සිට දිවයිනේ සියලු පළාත්වල එම ඇගයීම් ක්‍රමය 6,7,8 ශ්‍රේණිවලට වාර පරීක්ෂණවල දී හඳුන්වා දී තිබේ.  ඉදිරියේ දී මෙම ඇගයීම් ක්‍රමය  11 ශ්‍රේණිය දක්වා පාසල් මට්ටමින් ඇගයීම් ලෙස ක්‍රියාත්මක කිරීමට ද  අපේක්ෂිත ය

පාසල්වල 1 ශ්‍රේණියේ සිට 11 ශ්‍රේණිය දක්වා ඉගෙනුම ලබන සියලු ම පාසල් සිසුන්ට ගණිත විෂය ප්‍රියතම විෂයක් බවට  පත් කිරීමට සහ  විෂය සාධන මට්ටම් වැඩිදියුණු කිරීමට  අධ්‍යාපන අමාත්‍ය, නීතිඥ අකිල විරාජ් කාරියවසම් මහතාගේ මඟපෙන්වීම යටතේ අධ්‍යාපන අමාත්‍යාංශයේ ගණිත ශාඛාව විසින් සුවිශේෂී වැඩසටහනක් ආරම්භ කර ඇත.

ගණිත සංකල්ප එදිනෙදා ජීවිතයේ ප්‍රායෝගික අවස්ථා  සමඟ සම්බන්ධ කරමින් සිසුන්ට සරලව තේරුම් ගැනීමට හැකිවන පරිදි  ක්‍රියාකාරකම් මගින් අවබෝධ කර ගැනීමට අවස්ථාව සැලසීම මෙම වැඩසටහනේ දී  සිදු කෙරේ.

මෙම ක්‍රියාකාරකම් මගින් සිසුන් තුළ නිර්මාණශීලීත්වය, ගැටලු විසඳීමේ හැකියාව, සන්නිවේදන හැකියාව, ක්‍රමවත් බව, තර්කානුකූල චින්තනය යනාදී කුසලතා වර්ධනය කෙරේ. මෙම වැඩසටහන ප්‍රාථමික ශ්‍රේණියත්, ද්විතීයික ශ්‍රේණියත් ආවරණය වන ලෙස අදියර තුනකින් යුක්තය. මෙයට අදාළ ව ඉගෙනුම් සම්පත් ද්‍රව්‍ය, ක්‍රියාකාරකම් පොත් සම්පාදනය කර ඇති අතර දැනටමත් පාසල් 150ක විදුහල්පතිවරු සහ අදාළ ගුරුභවතුන් දැනුවත් කර ඇත.

ගණිත විෂය සාධනය ඉහළ නැංවීම සඳහා ඉතාම කෙටිකාලයක් තුළ දී ගත් පියවර හේතුවෙන් 2015 දී අ.පො.ස.(සා.පෙළ) ගණිත විෂය සමත්වීමේ 55% ක් වූ ප්‍රතිශතය  2016 දී 63% ක් ද, 2017 දී 67% ක් සහ 2018 වන විට 68% ක් දක්වා වර්ධනය වී තිබේ. ගණිත විෂයයේ දක්නට ලැබෙන මෙම සාධනීය ප්‍රවණතාව තවදුරටත් ඉහළ නංවා ගැනීම මෙම විධිමත් වැඩපිළිවෙල මගින් අපේක්ෂා කෙරේ.

Search