නවතම පුවත්

එදා මෙදාතුර මෙරට ඉතිහාසයේ පාසල් සංවර්ධනය වෙනුවෙන් හඳුන්වා දී ඇති දැවැන්ත ම ව්‍යාපෘතිය ලෙස ක්‍රියාවට නැංවෙන, ළඟම පාසල හොඳම පාසල වැඩසටහන යටතේ දිවයින පුරා පාසල්වල ඉදිකළ ගොඩනැගිලි 250ක් ජාතික අධ්‍යාපන පද්ධතියට එක්කිරීමේ ජාතික මහෝත්සවය ගරු අග්‍රාමාත්‍ය රනිල් වික්‍රමසිංහ මැතිතුමාගේ ප්‍රධානත්වයෙන්, අධ්‍යාපන අමාත්‍ය නීතීඥ අකිල විරාජ් කාරියවසම් මැතිතුමාගේ සහ මැති ඇමතිවරු රැසකගේ සහභාගීත්වයෙන් ඊයේ (4) පෙරවරු 10.00 ට පේරාදෙනිය ජාතික අධ්‍යාපන විද්‍යාපීඨයේ දී පැවැත්වුණා.

මීට සමගාමී ව පේරාදෙනිය ජාතික අධ්‍යාපන විද්‍යාපීඨයේ නව දේශන ශාලා සංකිර්ණය, සුහුරුපන්ති කාමර හා ශ්‍රවනාගාරය විවෘත කිරීම ද මෙහි දී අග්‍රාමාත්‍යවරයාගේ ප්‍රධානත්වයෙන් සිදු කෙරුණා.

ළඟම පාසල හොඳම පාසල වැඩසටහන යටතේ පාසල් ගොඩනැගිලි 250ක් එකම දිනක සිසු අයිතියට පත් කිරීමේ ජාතික උත්සවය අමතමින් අග්‍රාමාත්‍ය රනිල් වික්‍රමසිංහ මහතා කළ කතාව

ළඟම පාසල හොඳම පාසල වැඩසටහන යටතේ පාසල් ගොඩනැගිලි 250ක් එකම දිනක සිසු අයිතියට පත් කිරීමේ ජාතික උත්සවය අමතමින් අධ්‍යාපන  නීතීඥ අමාත්‍ය අකිල විරාජ් කාරියවසම් මහතා කළ කතාව.

අධ්‍යාපන අමාත්‍ය, නීතීඥ අකිල විරාජ් කාරියවසම් මැතිතුමාගේ සංකල්පයක් අනුව එදා මෙදාතුර මෙරට ඉතිහාසයේ පාසල් සංවර්ධනය වෙනුවෙන් හඳුන්වා දී ඇති දැවැන්ත ම ව්‍යාපෘතිය ලෙස ක්‍රියාවට නැංවෙන, ළඟම පාසල හොඳම පාසල වැඩසටහන යටතේ දිවයින පුරා පාසල්වල ඉදිකළ ගොඩනැගිලි 250ක් හෙට (4) ජාතික අධ්‍යාපන පද්ධතියට එක්කිරීමට නියමිතයි.

ගරු අග්‍රාමාත්‍ය රනිල් වික්‍රමසිංහ මැතිතුමාගේ ප්‍රධානත්වයෙන්, අධ්‍යාපන අමාත්‍ය නීතීඥ, අකිල විරාජ් කාරියවසම් මැතිතුමාගේ සහ අධ්‍යාපන රාජ්‍ය අමාත්‍ය විජයකලා මහේෂ්වරන් මැතිතුමියගේ සහභාගීත්වයෙන් හෙට පෙරවරු 10.00 ට පේරාදෙනිය ජාතික අධ්‍යාපන විද්‍යාපීඨයේ දී මෙම ජාතික මහෝත්සවය පැවැත්වෙනවා.

මෙම වැඩසටහනෙහි පළමු අදියර යටතේ සංවර්ධන ව්‍යාපෘති 200ක් එකවර විවෘත කිරීම පසුගිය මාර්තු මාසයේ දී සිදුකෙරුණු අතර, හෙට ක්‍රියාත්මක වන්නේ එහි දෙවැනි අදියරයි. දෙවැනි අදියරේ ඉදිකිරීම් සඳහා රුපියල් මිලියන 4500ක මූල්‍ය ආයෝජනයක් සිදුකර ඇති අතර, හෙට දින සිසු අයිතියට පත්වන පාසල් ගොඩනැගිලි අතර, ප්‍රාථමික ඉගෙනුම් මධ්‍යස්ථාන 68ක්, පන්ති කාමර ගොඩනැගිලි 52ක්, කණිෂ්ඨ ද්විතීයික විද්‍යාගාර 22ක්, විදුහල්පති නිල නිවාස 31ක්, ගුරු නිවාස 32ක්, තාක්ෂණික ගොඩනැගිලි 34ක්, සෞන්දර්ය ඒකක 1ක්, ආපන ශාලා 9ක් සහ දන්ත ශල්‍යාගාර 3ක් ඇතුළත් වනවා.

ළඟම පාසල හොඳම පාසල වැඩසටහන යටතේ වැඩ නිමකිරීමට  අපේක්ෂිත 18000ක් වන සමස්ත සංවර්ධන ව්‍යාපෘතීන්ගෙන් වැඩ අවසන්ව ඇති ව්‍යාපෘති සංඛ්‍යාව මේ වනවිට 12000ක් පමණ වනවා. ළඟම පාසල හොඳම පාසල වැඩසටහන වෙනුවෙන් වෙන් කර ඇති සමස්ත මූල්‍ය ආයෝජනය රුපියල් මිලියන 65000ක් වනවා.

මීට සමගාමී ව පේරාදෙනිය ජාතික අධ්‍යාපන විද්‍යාපීඨයේ  නව දේශන ශාලා සංකිර්ණය, සුහුරුපන්ති කාමර හා ශ්‍රවනාගාරය විවෘත කිරීම ද මෙහි දී  අග්‍රාමාත්‍යවරයාගේ ප්‍රධානත්වයෙන් සිදුකිරිමට නියමිතයි.

                                                   

හොරණ විද්‍යාරත්න විශ්ව විද්‍යාපීඨයේ 90වන සංවත්සරය නිමිත්තෙන් බහුතාක්ෂණ විද්‍යාගාරය සහ පරිපාලන ගොඩනැගිල්ල සඳහා ඵලකය විවෘත කිරීම අධ්‍යාපන අමා‍ත්‍ය අකිල විරාජ් කාරියවසම් මහතාගේ ප්‍රධානත්වයෙන් ජුලි මස පස්වන සිකුරාදා පස්වරු 5.00ට සිදු කිරීමට නියමිතයි. ඒ සම්බන්ධයෙන් සිරස නාලිකාවේ පැවති වැඩසටහනකදී පරිවේණාධිපති ආචාර්ය පූජ්‍ය ලබුගම නාරද ස්වාමීන් වහන්සේ පළ කළ අදහස් මෙසේයි.

Search