නවතම පුවත්

රුපියල් මිලියන 2,060 ක ආයෝජනයෙන් ඉදිකරන ලද, වයඹ විශ්වවිද්‍යාලයේ නව වෛද්‍යපීඨය විවෘත කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ආරාධනයෙන් අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සහ මැතිඇමතිවරුන් රැසකගේ සහභාගීත්වයෙන් 31 වෙනිදා  කුලියාපිටියේදී සිදු කෙරුණා.

එම අවස්ථාවේ ඡායාරූප මෙසේයි.

ජාතික අධ්‍යාපන ආයතනයේ කාර්ය මණ්ඩලය සඳහා ඉදි කිරීමට යෝජිත තෙමහල් නේවාසිකාගාර ගොඩනැගිල්ලට මුල්ගල තැබීම අද (28) පෙරවරුවේ අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ ප්‍රධානත්වයෙන් සිදු වුණා.

එහිදී අධ්‍යාපන අමාත්‍යතුමන් විසින් ගණිත, විද්‍යා,තාක්ෂණ විද්‍යාගාර සහ දේශන ශාලා වලින් සමන්විත නව පස් මහල් ගොඩනැගිල්ල නිරීක්ෂණය කිරීම ද සිදු කළා

රුපියල් මිලියන 2,060 ක ආයෝජනයෙන් ඉදිකරන ලද, වයඹ විශ්වවිද්‍යාලයේ නව වෛද්‍යපීඨය විවෘත කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ආරාධනයෙන් අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සහ මැතිඇමතිවරුන් රැසකගේ සහභාගීත්වයෙන් 31 වෙනිදා කුලියාපිටියේදී සිදු කෙරුණා.

එම අවස්ථාවේ දී අග්‍රාමාත්‍ය රනිල් වික්‍රමසිංහ මහතා උත්සව සභාව අමතා කළ කතාව

කුරුණෑගල දිස්ත්‍රික්කයේ සංවර්ධන ක්‍රියාදාමයෙහි ස්වර්ණමය පියවරක් සනිටුහන් කරමින්, කුලියාපිටිය මැතිවරණ කොට්ඨාසයේ ක්‍රියාත්මක කරන ලද සංවර්ධන ව්‍යාපෘති රැසක් ජනතා අයිතියට පැවරීම සහනව සංවර්ධන ව්‍යාපෘති රැසක් ආරම්භ කිරීම අධ්‍යාපන අමාත්‍ය අකිල විරාජ් කාරියවසම් මැතිතුමාගේ ආරාධනයෙන් අග්‍රාමාත්‍ය රනිල් වික්‍රමසිංහ මැතිතුමන්ගේ ප්‍රධානත්වයෙන් සහ මැතිඇමතිවරුන් රැසකගේ සහභාගීත්වයෙන් හෙට (31)  දිනය පුරා උත්සවාකාරයෙන් පැවැත්වේ. මේ සඳහා වන මූල්‍ය ආයෝජනය රුපියල් මිලියන 23,593කි.

 මේ යටතේ කුලියාපිටිය, නාරංගල්ලේ දී රුපියල් මිලියන 3000ක මූල්‍ය ආයෝජන සහි‍තව තාක්ෂණවේදය සදහා ගුරුවරුන් පුහුණු කෙරෙන ශ්‍රී ලංකාවේ ප්‍රථම තාක්ෂණවේදී ජාතික අධ්‍යාපන විද්‍යාපීඨයට මුල්ගල තැබීම සිදුකෙරේ. එමෙන් ම රුපියල් මිලියන 2,060 ක ආයෝජනයෙන් ඉදිකරන ලද, වයඹ විශ්වවිද්‍යාලයේ නව වෛද්‍යපීඨය විවෘත කිරීම, රුපියල් මිලියන 17,650ක ආයෝජනයෙන් කුලියාපිටියේ මූලික රෝහල,ශික්ෂණ රෝහලක් බවට පත් කිරීමට ඉදිවන ගොඩනැගිලි සඳහා සහ කුලියාපිටිය ශික්ෂණ රෝහලේ ඔසුසල ගොඩනැගිල්ල සඳහා මුල් ගල තැබීම ද මෙදින සිදුකෙරේ.

මීට අමතරව, කුලියාපිටිය බෝවත්ත මාර්ගය කාපට් අතුරා සංවර්ධනය කිරීම සඳහා මුල් ගල තැබීම සහ ඉලුක්හේන බෙරි වැව කාපට් මාර්ගය විවෘත කිරීම, කුලියාපිටිය නගරයේ පොදු වෙළඳසංකීර්ණ ගොඩනැගිල්ල සහ පුස්තකාල ගොඩනැගිල්ල සඳහා මුල් ගල තැබීම, කුලියාපිටිය බස් නැවතුම්පල ඉදිරිපිට උමං මාර්ග පද්ධතිය විවෘත කිරීම ඇතුළු සංවර්ධන කාර්යයන් රැසක් මීට ඇතුළත් ය.

ශ්‍රී ලංකාවේ සියලු දරුවන්ගේ අධ්‍යාපනය ලැබීමේ සම අයිතිය තහවුරු කරමින් ළමා නිවාසවල දරුවන්ට ද ආසන්නත ම ජාතික පාසලට ඇතුළත් වීමට අවස්ථාව ලබාදීමට කටයුතු කරන ලෙස අධ්‍යාපන අමාත්‍ය නීතීඥ අකිල විරාජ් කාරියවසම් මැතිතුමා පසුගිය දා  නිලධාරීන්ට උපදෙස් ලබා දී තිබේ. එමෙන් ම එසේ ඇතුළත් කරගන්නා දරුවන්ට ද සෙසු දරුවන්ට මෙන්  සමානත්වයෙන් සැලකීමට පියවරගත යුතු බව ද අමාත්‍යවරයා අවධාරණය කර ඇත.

 ඒ අනුව, රජයේ ලියාපදිංචි වී ඇති ළමා නිවාසවල සිටින දෙමව්පියන් අහිමි දරුවන්ට ළඟම පිහිටි ජාතික පාසලට ඇතුළත් වීම සඳහා අවස්ථාව ලබාදෙන ලෙස අධ්‍යාපන අමාත්‍යාංශය විසින් 2019-07-31 දිනැති අංක 38/2019 දරන චක්‍රලේඛය මගින් සියලු ම ජාතික පාසල්වල විදුහල්පතිවරුන් වෙත  දැනුම් දී ඇත.   

ළමා නිවාසවල සිටින දෙමව්පියන් අහිමි දරුවන් අතරමැදි ශ්‍රේණිවලට ඇතුළත් කිරීමේ දී අදාළ ළමා නිවාසයේ භාරකරු විසින් යොමුකරන ලද  අයදුම්පත පරීක්ෂා කර අධ්‍යාපන අමාත්‍යාංශයේ අනුමැතිය ලබාගැනීමෙන් අනතුරුව පාසලට ඇතුළත් කරගැනීමට කටයුතු කළ යුතු බවට ද මෙම චක්‍රලේඛයේ සඳහන් වේ.

එමෙන් ම, පාසල්වල පළමු ශ්‍රේණියට ළමයින් ඇතුළත් කිරීමට අදාළව නිකුත් කර ඇති  29/2019 චක්‍රලේඛයේ 4.5 උප වගන්තියේ සඳහන් පරිදි ළමා නිවාසයක සිටින සෑම ළමයෙකුගේ ම  නීත්‍යානුකූල භාරකරු ලෙස ළමා නිවාසයේ භාරකරු සැලකේ.  ඒ අනුව අදාළ  ඉල්ලුම් පත් යොමුකිරීම ළමා නිවාසයේ  භාරකරුට පැවරේ. එම භාරකරුවන්ට ස්වකීය ළමා නිවාසවල සිටින දරුවන්ගේ අනාගත අධ්‍යාපන අභිවෘද්ධිය වෙනුවෙන් ලබා දී ඇති මෙම අවස්ථාව ප්‍රයෝජනයට ගන්නා ලෙස ද අධ්‍යාපන අමාත්‍යාංශය ඉල්ලා සිටියි.

රුපියල් මිලියන 2,060 ක ආයෝජනයෙන් ඉදිකරන ලද, වයඹ විශ්වවිද්‍යාලයේ නව වෛද්‍යපීඨය විවෘත කිරීම අධ්‍යාපන අමාත්‍ය අකිල විරාජ් කාරියවසම් මහතාගේ ආරාධනයෙන් අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් සහ මැතිඇමතිවරුන් රැසකගේ සහභාගීත්වයෙන් 31 වෙනිදා  කුලියාපිටියේදී සිදු කෙරුණා.

එම අවස්ථාවේ දී අධ්‍යාපන අමාත්‍ය අකිල විරාජ් කාරියවසම් මහතා සහ සෞඛ්‍ය අමාත්‍ය 
රාජිත සේනාරත්න මහතා උත්සව සභාව අමතා කළ කතාව

තිර අදිටනින් සහ කැපවීමෙන් දැන උගත් දූ පුතුන් සමාජ ගත කරවනු පිණිස සිදු කරන මෙහෙවර අගයනු වස් ' විද්වද් ජන ප්‍රසාදක සම්මාන උපාධිය' අධ්‍යාපන අමාත්‍ය නීතීඥ අකිල විරාජ් කාරියවසම් මහතා වෙත ශ්‍රී ලංකා ප්‍රාචීන භාෂෝපකාර සමාගමේ පන්ඩිතෝපාධි ප්‍රදානෝත්සවයේ දී පුද කරනු ලැබුවා.

ඒ,කොළඹ නෙලුම් පොකුණ රඟහලේ දී පැවති පන්ඩිතෝපාධි ප්‍රදානෝත්සවයේදීයි.

ශ්‍රී ලංකා අධ්‍යාපන පරිපාලන සේවය, ශ්‍රී ලංකා ගුරු අධ්‍යාපනඥ සේවය හා ශ්‍රී ලංකා විදුහල්පති සේවය යන සේවා තුනෙහි නිලධාරීන්ට  විශ්‍රාම ලබා ගැනීම සඳහා අවසරදීමට තමන් සතුව පැවැති බලය, රාජ්‍ය සේවා කොමිසම විසින් අධ්‍යාපන අමාත්‍යාංශයේ ලේකම්වරයා වෙත පවරනු ලබයි.

සියලු ලිපි ලේඛන සහිත ව ඉදිරිපත් කරන ලද විශ්‍රාම ලිපි ගොනුවලට පවා අවසර ලබාදීමේ දී සිදු වූ අපහසුතා හේතුවෙන් ඇතැම් නිලධාරීන් මාස ගණනක් විශ්‍රාම වැටුප ලබා ගැනීමට ප්‍රමාද වූ බවට අමාත්‍යාංශය වෙත දැනුම් දී තිබිණි. ඒ අනුව අධ්‍යාපන අමාත්‍ය නීතිඥ අකිල විරාජ් කාරියවසම් මහතාගේ උපදෙස් පරිදි අමාත්‍යාංශය රාජ්‍ය සේවා කොමිසමෙන් කරන ලද ඉල්ලීම් සඳහා ප්‍රතිචාර වශයෙන් මෙම බලය පැවරීම සිදු කර ඇත.

විනය කරුණු හා වෙනත් ගැටලු සහිත නිලධාරීන් හැර, සාමාන්‍ය ක්‍රමය යටතේ නියමිත දිනයේ දී විශ්‍රාම ලබා ගැනීමට ඉල්ලා ඇති නිලධාරීන් ට පමණක් අවසරදීමට අමාත්‍යාංශයට බලය ලැබී ඇත.

විශ්‍රාම ලබා ගැනීමට අපේක්ෂිත නිලධාරීන් මාස හයකට පෙර සිය අංගසම්පූර්ණ ඉල්ලුම්පත් ඉදිරිපත් කළ යුතුය.

එම සේවා තුනේ විසිදෙදහසකට ආසන්න නිලධාරි පිරිසකට මේ අනුව නියමිත දිනයේ දී විශ්‍රාම ලබා ගැනීමට අවස්ථාව සැලසෙන බව අමාත්‍යාංශය පෙන්වා දෙයි.

මේ අතර විශ්‍රාම ගැනීමට අපේක්ෂිත ජාතික පාසල් ගුරුවරුන් ද, පළාත් පාසල් ගුරුවරුන් ද සිය විශ්‍රාම අයදුම්පත් පළාත් අධ්‍යාපන කාර්යාල වෙත යොමු කළ යුතුව තිබේ. සිය අංගසම්පූර්ණ අයදුම්පත් මාස 06 කට පෙර එම කාර්යාල වෙත යොමු කිරීමෙන් ප්‍රමාදයකින් තොරව නියමිත දිනයට විශ්‍රාම වැටුප ලබා ගැනීමට අවස්ථාව ලැබෙනු ඇති බව ද අමාත්‍යාංශය පවසයි

නූතන ලෝකයට ගැ‍ළපෙන, නව දැනුම සහ කුසලතා සමඟ සංවර්ධනය වන දක්ෂ දරුවන් අධ්‍යාපනයෙන් බිහිකිරීමට හැකිවන අයුරින් පාසල් විෂය මාලාව සකස් කිරීම වෙනුවෙන් නිවැරදි පියවර ගන්නා ලෙස අධ්‍යාපන අමාත්‍ය, නීතීඥ අකිල විරාජ් කාරියවසම් මහතා නිලධාරීන් වෙත උපදෙස් ලබා දී තිබේ.

 ඒ අනුව 2023 වර්ෂයේ දී ක්‍රියාත්මක වීමට නියමිත නව විෂය මාලා සංශෝධන යටතේ පාසල් විද්‍යා විෂය මාලාව තුළ මෙතෙක් පැවති ක්‍රමය වෙනුවට පර්යේෂණ මත පදනම් වූ විද්‍යා අධ්‍යාපන ක්‍රමවේදයක් හඳුන්වාදීමට අධ්‍යාපන අමාත්‍යාංශය පියවර ගෙන ඇත.

අධ්‍යාපන අමාත්‍යාංශයත්, ජාතික අධ්‍යාපන ආයතනයත්, ජාතික විද්‍යාභීවර්ධන සංගමයත් එක්ව මෙම පර්යේෂණාත්මක ප්‍රවේශයකින් යුත් නව විෂය මාලාව, විද්‍යා විෂය සඳහා හඳුන්වා දීමට මේ වනවිට අවශ්‍ය  පියවර ගෙන ඇත.

අනාගතයට ගැළපෙන ප්‍රවේශයකින්, ලෝකයේ වෙනත් දියුණු රටවල විද්‍යා විෂය සම්බන්ධ පාසල් විෂය මාලාව සකස් ව ඇති ආකාරය පිළිබඳ සැලකිල්ලට ගනිමින්, ආර්ථික සංවර්ධනයටත්, දේශීය අනන්‍යතාවටත් ගැළපෙන විශ්වීය පුරවැසියන් බිහිකිරීම සඳහා මෙම විෂය මාලා සංශෝධනය කෙරේ.

 

STEM Education (Science,Technology,Engineering,Mathematics) හරහා ලෝකයේ පිළිගත් රැකියා අවස්ථා සඳහා දරුවන් ප්‍රවේශ කරවිය හැකි අයුරින් මෙම විෂය මාලා සංශෝධන සිදුකෙරේ.පෙළපොතට සීමා වූ කටපාඩම් කරගත් දැනුමෙන් විභාග සමත්වීමේ අධ්‍යාපනයෙන් දරුවන් බැහැරකරවමින්, වැඩ, ව්‍යාපෘති පාදක ව වඩාත් ප්‍රායෝගික මුහුණුවරකින් විෂය ඉගෙනීමට අවස්ථාව දරුවන්ට සලසා දීමට මෙම සංශෝධන යටතේ පියවර ගැ‍නේ.

ලිඛිත විභාගයකින් පමණක් සිදුකරන ඇගයීම්වලින් බැහැර ව සිසුන් නිරන්තර ව විෂය සම්බන්ධ ඇගයීමට ලක්වන අන්දමේ ක්‍රියාකාරකම් ඇතුළත් කරමින් මෙම විෂය මාලා සංශෝධනයට ද යෝජනා වී ඇත.

සිසුදරුවන්ගේ විශ්ලේෂණ හැකියාව, ගැටලු විසඳීමේ හැකියාව සහ නිර්මාණශීලී චින්තනයට සිසුන්ට වැඩි ඉඩ අවස්ථා සලසමින්  මෙම විෂය සංශෝධන සිදුකිරීමට මේ වනවිට කටයුතු යොදා ඇත.

Search