නවතම පුවත්

විදුහල්පතිවරුන්ගේ දීමනාව රු. 6,500 දක්වා ඉහළට
ගුරු උපදේශක සේවය ස්ථාපිත කෙරේ
වතු පාසල් හා ධර්මාචාර්ය ගුරු සහායක දීමනාව රු. 6,000 සිට 10,000 දක්වා වැඩි කෙරේ
ජාතික පාසල්වලට උපාධිධාරී ගුරුවරුන් 1,093 ක් බඳවා ගැනීමට පියවර
ජාතික හා පළාත් පාසල්වල ප්‍රාථමික සහ 6-11 ශ්‍රේණිවල සියලුම ගුරු පුරප්පාඩු සම්පූර්ණ කිරීමට පියවර
ගුරු අධ්‍යාපනඥ සේවයට බඳවාගැනීමේ වයස් සීමාව 30 සිට 35 දක්වා ඉහළට
උතුරු නැගෙනහිර පළාත්වල ස්වේච්ඡා හා කොන්ත්‍රාත් පදනම මත සේවය කරන්නන් 1,732 ක් සුදුසුකම් මත ගුරු සේවයට එක් කෙරේ

සංහිඳියාව තුළින් ශක්තිමත් වන නිදහස් අනාගතයක් සඳහා පෙළගැසෙමු

මෙවර අප සමරන්නේ 69 වෙනි ජාතික නිදහස් දිනයයි. අධිරාජ්‍යවාදීන්ගේ යටත්විජිතයක්ව පැවති ශ්‍රී ලංකාව ඉන් මුදාගනිමින් නිදහස උදාකර දීමට සිංහල, දෙමළ, මුස්ලිම් හා බර්ගර් ඇතුළු සියලු ජනවර්ගවලට අයත් ශ්‍රී ලාංකික ජනතාව සිදු කළ මෙහෙය අද දිනයේ දී අප ගෞරවයෙන් සිහිපත් කළ යුතු ය.

පාසල්වලට දරුවන් ඇතුළත් කිරීමේ දී චක‍්‍රලේඛයන්ට පටහැනිව නීතිවිරෝධී ලෙස මුදල් අයකිරීම් සම්බන්ධයෙන් අධ්‍යාපන අමාත්‍යාංශය දැඩිව නීතිය කි‍්‍රයාත්මක කර තිබෙනවා. පාසල්වල මුදල් එකතු කිරීම සම්බන්ධයෙන් නීතිගත තත්ත්වයක් ඇති කිරීම සඳහා අධ්‍යාපන අමාත්‍යාංශය විසින් 2015 වසරේ දී 5/2015 චක‍්‍රලේඛය නිකුත් කිරීමට පියවර ගත්තේ පාසල්වල විවිධ වැඩසටහන්, ව්‍යපෘති ඉදිරිපත් කරමින් පාසල් සිසු සිසුවියන් ගෙන් හා දෙමාපියන් ගෙන් මුදල් අය කිරීම, ආදි ශිෂ්‍ය සංගම් විසින් විවිධ ව්‍යාපෘති සඳහා සිදු කරන මුදල් සහ භාණ්ඩ එකතු කිරීම් මෙන් ම වෙනත් මුල්‍ය එක්රැස් කිරීම් පිළිබඳව ද මවුපියන්ගෙන් මතු වූ මැසිවිලි සැලකිල්ලට ගෙනයි.

පාසල් දරුවන්ගේ විනය, හික්මීම සහ හැසිරීම පිළිබඳ විදුහල්පතිවරුන්, සහ ගුරුවරුන් වෙත වැඩි වගකීමක් පැවරෙන බවත්, පාසල තුළ හෝ පාසලින් පරිබාහිරව සිසුන් විනය විරෝධී හැසිරීම්වල නිරත වීම සම්බන්ධව දෙමව්පියන්, ගුරුවරුන් මෙන් ම විදුහල්පතිවරුන් දැඩි අවධානයෙන් කටයුතු කළ යුතු බවත් අධ්‍යාපන අමාත්‍ය අකිල විරාජ් කාරියවසම් මහතා පවසනවා. අමාත්‍යවරයා මේ අදහස් පළ කළේ අද (6) පෙරවරුවේ මොරටුව වේල්ස් කුමර විද්‍යාලයේ පැවති වාර්ෂික ත්‍යාග ප්‍රදානෝත්සවයකට එක්වෙමින්.

පුරා විද්‍යා ගවේෂණය හා සංරක්ෂණ කටයුතු විද්‍යාත්මක පදනමක් මත නවීන තාක්ෂණික උපකරණ හා විශේෂඥ සහය ලබාගෙන සිදුකිරීමට අධ්‍යාපන අමාත්‍ය අකිල විරාජ් කාරියවසම් මහතා නිලධාරීන්ට උපදෙස් හා අවශ්‍ය මගපෙන්වීම ලබා දී තිබෙනවා. ඒ අනුව මෙතෙක් ගවේෂණයට ලක් නොවූ ප්‍රදේශවල පුරාවිද්‍යාත්මක කැනීම් කටයුතු සිදුකිරීමටත් ගවේෂණ කටයුතු වේගවත් කිරීමටත් පුරා විද්‍යා දෙපාර්තමේන්තුව කටයුතු කරමින් සිටිනවා.

කැළණිය ධර්මාලෝක විදුහලේ විදුහල්පතිවරයා සහ මිලාගිරිය ශාන්ත පාවුළු බාලිකා විදුහලේ නියෝජ්‍ය විදුහල්පතිවරියක් ඒ අතර, කොළඹ රාජකීය විදුහලේ පළමු ශ්‍රේණියට 2017 වර්ෂය සදහා සිසුන් ඇතුළත් කිරීමේ දී ඇති වී තිබෙන අක්‍රමිකතාවන් සම්බන්ධව අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මත පත් කළ විශේෂ විමර්ශන කමිටුව මගින් සිදු කළ විමර්ශනවලින් පසු ප්‍රධාන සම්මුඛ පරීක්ෂණ මණ්ඩලයේ සිටි නිලධාරීන් තිදෙනෙකුගේ හා අභියාචනා මණ්ඩලයේ සිටි නිලධාරීන් සිව් දෙනෙකුගේ රාජකාරී වැඩ තහනම් කිරීමට අධ්‍යාපන අමාත්‍යාංශය තීරණය කර තිබෙනවා.

මූලික පිරිවෙන්වල දැනට භාවිතා කරන පෙළපොත් 1994 වසරේ සම්පාදනය කරනු ලැබ ඇති අතර එම පොත් යාවත්කාලීන කිරීමක් මෙතෙක් සිදු වී නැහැ. මේ පිළිබඳ අවධානය යොමුකරමින් පිරිවෙන් පෙළපොත් යාවත්කාලීන කොට කඩිනමින් ඒවා සිසුන්ට ලබාදීමට අධ්‍යාපන අමාත්‍ය අකිල විරාජ් කාරියවසම් මහතාගේ උපදෙස් මත පියවර ගෙන තිබෙනවා.

තායිවානයේ තායිපේ නුවරදී පවත්වන ලද Asia Pacific ICT Awards- 2016 තරගාවලිය සදහා ශ්‍රි ලංකාව නියෝජනය කරමින් මහනුවර ශා.අන්තෝනි විද්‍යාලයේ ගජින්දු කාවින්ද බණ්ඩාර සහ කවින්ද්‍ර ගිම්හාන් විජයවර්ධන යන සිසුන් විසින් කණ්ඩායම් ව්‍යාපෘතියක් ලෙස ඉදිරිපත් කරන ලද “Smart Walking Stick” නිර්මාණය සදහා රන් සම්මානය ( Gold Award)හිමි වූ අතර ඔවුන් ඇගයීමේ උත්සවයක් අධ්‍යාපන අමාත්‍ය අකිල විරාජ් කාරියවසම් මහතාගේ ප්‍රදානත්වයෙන් අද (01) අධ්‍යාපන අමාත්‍යාංශයේ දී පැවැත්වුණා. මෙම තරගාවලිය සදහා රටවල් 16 ක් නියෝජනය කරමින් නිර්මාණ 48 ක් පමණ ඉදිරිපත් ව තිබූ අතර ඒ අතරින් විශිෂ්ටතම නව නිර්මාණය වශයෙන් මෙම නිර්මාණය තේරී තිබෙනවා.

මනෝ උපදේශනය පිළිබඳ විධිමත් පුහුණුවක් සහිත ගුරු භවතුන් 2,753ක් අධ්‍යාපන පද්ධතියට අලුතින් එක් කර ගැනීම කඩිනම් කිරීමට අධ්‍යාපන අමාත්‍යවරයාගෙන් නිලධාරීන්ට උපදෙස්.

අධ්‍යාපන පද්ධතිය තුළ ඉගෙනුම් ඉගැන්වීම් ක්‍රියාවලිය ශක්තිමත් කරනුයේ රටේ ගුරු පරපුරයි. ශ්‍රී ලංකාවේ ක්‍රියාත්මක රජයේ පාසල් 10162ක් තුළ දැනට ගුරුවරුන් දෙලක්ෂ තිස්දෙදාස් පන්සිය පනස්පහක් සේවයේ යෙදෙනවා. එහෙත් තවමත් අපේ රටේ ඇතැම් පාසල්වල ගුරු හිඟයක් සහ විශේෂයෙන් ම නගරබද පාසල්වල ගුරු අතිරික්තයක් පවතිනවා. පසුගිය රජය සමයේ සිදුව ඇති අක්‍රමවත් මුදාහැරීම් සහ බඳවාගැනීම් හේතුවෙන් මතුව ඇති මේ අයහපත් තත්වය සම්බන්ධව අධ්‍යාපන අමාත්‍ය අකිල විරාජ් කාරියවසම් මහතාගේ අවධානය යොමු වී තිබෙනවා.

ජාතික අධ්‍යාපන ආයතනයේ උපාධි ප්‍රදානෝතසවය ඊයේ (31) සවස බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේදී පැවැත්වුණා.

ඉතා අසනීප තත්ත්වයෙන් පසුවන ප‍්‍රවීණ ගායන ශිල්පී ප‍්‍රින්ස් උදයප‍්‍රියන්ත මහතාට අවශ්‍ය වෛද්‍ය ප‍්‍රතිකාර ලබා ගැනිම වෙනුවෙන් රුපියල් ලක්ෂයක ආධාර මුදලක් අධ්‍යාපන අමාත්‍ය අකිල විරාජ් කාරියවසම් මහතා විසින් පසුගිය දා පිරිනමනු ලැබුවා.

Search