பிந்திய செய்திகள்

  2. முகப்பு
  3. ஊடக நிலையம்
  4. பிந்திய செய்திகள்

 IMG 8202

கௌரவ கல்வி அமைச்சர் அகில விராஜ் காரியவசம் அவர்களின் தலைமையில் கௌரவ கல்வி இராஜாங்க அமைச்சர் வீ. இராதாகிருஸ்ணன் அவர்களின் வழிக்காட்டலில் இலங்கையிலுள்ள தோட்டப்புற பாடசாலைகளை கட்டியெழுப்பவும் அவற்றின் நிலைமைகள் விரைவில் மேம்படவும் கல்வி அமைச்சின் ஊடாக பல வேலைத்திட்டங்கள் முன்னெடுக்கப்பட்டுள்ளது. 
 
அதற்கமைய நாடுமுழுவதும் மத்திய, மேல், ஊவா, தெற்கு மற்றும் சப்ரகமுவ ஆகிய 5 மாகாணங்களிலும் அபிவிருத்தி தேவைக்கமைய தேர்ந்தெடுக்கப்பட்ட தோட்டப்பாடசாலைகளுக்கு உட்கட்டமைப்பு வசதிகள் தற்போது நடைபெற்றுவருகின்றது. பாடசாலை கட்டிடம் நிர்மாணித்தல் மற்றும் புதுப்பித்தல், ஆசிரியர் மனை நிர்மாணித்தல் மற்றும் புதுப்பித்தல், ஆய்வுகூடங்கள் மற்றும் கணணி ஆய்வுகூடங்கள் நிர்மாணித்தல் மற்றும் நீர் வசதிகளை பெற்றுக்கொடுத்தல் போன்றவை செயல்படுத்தப்படுகின்றது. மேலும் இப்பாடசாலைகளின் வகுப்பறை மற்றும் அலுவலகங்களுக்கு உபகரணங்கள் வழங்கவும் திட்டமிடப்பட்டுள்ளது. 
 
இத்திட்டத்தின் கீழ் அபிவிருத்தி தேவைக்கேற்ப தேர்ந்தெடுக்கப்பட்ட 32 தோட்டப்பாடசாலைகளுக்கு மடிக்கணணி மற்றும் அச்சு இயந்திரம் (பிரின்டர்) போன்றவை கௌரவ கல்வி அமைச்சர் அகில விராஜ் காரியவசம் அவர்கள் மற்றும் கௌரவ கல்வி இராஜாங்க அமைச்சர் வீ. இராதாகிருஸ்ணன் அவர்களினால் கையளிக்கப்பட்டது. 
 
விசேடமாக தோட்டப்புற பாடசாலைகளின் அதிபர்களின் முகாமைத்துவ மற்றும் தலைமைத்துவ திறமைகளை மேம்படுத்தி ஆசிரியர்களின் கற்பித்தல் வழிமுறைகளை அபிவிருத்தியடையச் செய்வதுடன் பாடசாலை மாணவர்களின் செயல்திறன் முன்னேற்றமடையவும் தோட்டப்பாடசாலைகளை கட்டியெழுப்புவதற்கு விசேட கவனம் செலுத்தப்பட்டுள்ளது. 
 
அதற்கமைய தோட்டப்பாடசாலைகளின் மாணவர்களின் செயல்திறன் மேன்மையடைய விஞ்ஞான மற்றும் கணித பாடங்களின் ஆசிரியர்களின் கற்பித்தல் திறன் விருத்தி செய்தலுக்கான பல பயிற்சிப்பட்டறைகள் கல்வி அமைச்சினூடாக நடாத்தப்பட்டுள்ளது. இதேபோன்று அதிபர்களுக்கும் முகாமைத்துவ மற்றும் தலைமைத்துவ திறமைகளை மேம்படுத்தும் அபிவிருத்தி செயற்திட்டங்கள் மேற்கொள்ளப்பட்டுள்ளன.

3K1A3614 Re

“எதிர்வரும் உள்ளுராட்சி மன்ற தேர்தலில் ஐக்கிய தேசிய கட்சிக்காக குருநாகலை மாவட்டத்தின் வெற்றி நிச்சயம்” -  ஐக்கிய தேசிய கட்சியின் இணைப் பொதுச்செயலாளரும், குருநாகலை மாவட்ட தலைவரும்,  அமைச்சருமான அகில விராஜ் காரியவசம் அவர்கள் தெரிவித்தார். 
 
நடைபெறவுள்ள உள்ளுராட்சி மன்ற தேர்தலில் ஐக்கிய தேசிய கட்சிக்காக குருநாகலை மாவட்டத்தின் நிச்சயமான வெற்றியை உறுதி செய்வதாக கட்சியின் இணைப் பொதுச்செயலாளரும்,  குருநாகலை மாவட்ட தலைவரும்,  அமைச்சருமான அகில விராஜ் காரியவசம் அவர்கள் ஐக்கிய தேசிய கட்சி சார்பாக உள்ளுராட்சி மன்ற சபைகளுக்கு கட்டுப்பணம் செலுத்தச்சென்ற வேளையிலேயே மேற்கண்ட தகவல்களை   அவர் தெரிவித்தார். 
 
கடந்த பாராளுமன்ற தேர்தலில் ஐக்கிய தேசிய கட்சி அதிகூடிய வெற்றியை பெற்றதுபோல் இம்முறை தேர்தலிலும் வெற்றி நிச்சயமென அமைச்சர் அவர்கள் கருத்து தெரிவித்தார். மேலும் தற்போதைய அரசாங்கம் மக்களுக்காக பொறுப்புடன் செயல்படுவதாகவும், அதன் அபிவிருத்தி பணிகளை தொடர்ந்து முன்னோக்கி கொண்டுசென்றிட அரசு அதன் நடவடிக்கையை மேற்கொண்டுவருவதாகவும் அவர் தெரிவித்தார்.
 

press 2சர்வதேச எழுத்தறிவு தினத்தை முன்னிட்டு பாடசாலை செல்லவேண்டிய வயதில் பாடசாலைச் செல்லாத பிள்ளைகள் தொடர்பாக ஏராளமான வேலைத்திட்டம்.
விசேட கல்வி ஆசிரியர்கள் 831 பேர்களை இணைத்துக்கொள்வதற்கு நடவடிக்கை.
உடல் மற்றும் மன ரீதியிலான பாதிப்புகளைக் கொண்ட பிள்ளைகளுக்கான வளங்கள் மற்றும் தகவல் மத்தியநிலையம்.
அனைத்து விசேட கல்வி அலகுகளையும் உள்ளடக்கி வளங்கள் நிறைந்த மத்திய நிலையமாக மேம்படுத்தல்.
நாட்டிற்கு பொருளாதாரச் செழிப்பினை ஏற்படுத்துவதற்கு 100% எழுத்தறிவு மட்டத்தினை இலங்கை அடைவதற்கான அனைத்து முயற்சிகளையும் மேற்கொள்வதற்கு கல்வி அமைச்சு தீர்மானித்துள்ளதாகவும், அதற்காக எத்தகைய காரணமாக இருப்பினும் பாடசாலைச் செல்லாத பிள்ளைகளை பாடசாலைக்கு அனுப்புவதற்கான ஒழுங்கான வேலைத்திட்டமொன்றை விரைவில் அமுல்படுத்தவுள்ளதாக கௌரவ கல்வி அமைச்சர் அகில விராஜ் காரியவசம் அவர்கள் தெரிவித்தார். சர்வதேச எழுத்தறிவு தினமாக செப்டெம்பர் 08 ம் திகதி பிரகடனப்படுத்தப்பட்டுள்ளதை முன்னிட்டு கல்வி அமைச்சில் மேற்கொள்ளவிருக்கும் செயற்திட்டம் தொடர்பாக ஊடகவியலாளர்களுக்கு தெளிவுபடுத்தும் நிகழ்வு இன்று 30 ம் திகதி காலையில் நடைப்பெற்றபோது மேற்படி கருத்தினை கல்வி அமைச்சர் அவர்கள் தெரிவித்தார்.
தொழில் திணைக்களத்தின் வேண்டுக்கோளுக்கிணங்க மக்கள் தொகை கணக்கெடுப்பு மற்றும் புள்ளியியல் திணைக்களத்தில் “குழந்தை செயல்பாடு ஆய்வு” என்ற பெயரில் ஆய்வு செய்யப்பட்டு 2017 பெப்ரவரி மாதம் ஆய்வறிக்கை வெளியிடப்பட்டுள்ளது. அந்த அறிக்கையின்படி 2016 ம் ஆண்டில் 5 – 17 வயதுக்குட்பட்ட குழந்தைகளின் எண்ணிக்கை 4.6 மில்லியன் என்பதுடன் அக்கால கட்டத்தில் பாடசாலை செல்லாத பிள்ளைகளின் எண்ணிக்கை 452,661 ஆகும். இவ்விடயம் தொடர்பாக சில ஊடகங்கள் தவறான அறிக்கைகள் வெளியிட்டன என அமைச்சர் இதன்போது தெளிவுபடுத்தினார். 

kuli 1 2

தற்போது பிள்ளைகளின் தகவல் மற்றும் தொடர்பாடல் தொழில்நுட்ப கல்வியை மேம்படுத்துவதற்கு கல்வி அமைச்சு தலையிட்டு தென் கொரியா க்வென்ஜூ மொட்ரோபொலிட்டன் கல்வி திணைக்களத்தின் உதவியுடன் கடந்த வருடத்தில் இந்நாட்டில் தேர்ந்தெடுக்கப்பட்ட பாடசாலைகளுக்கு கணணி வசதிகளை பெற்றுக்கொடுப்பதற்கு நடவடிக்கை மேற்கொள்ளப்பட்டுள்ளது.
 
இதனடிப்படையில் பாடசாலைகளுக்கு நன்கொடையாக வழங்கப்படவுள்ள கணணி தொடர்பாக ஆராய்வதற்காக கடந்த (17) ம் திகதி கௌரவ கல்வி அமைச்சர் அகில விராஜ் காரியவசம் அவர்களுடன் தென் கொரியா க்வென்ஜூ மொட்ரோபொலிட்டன் கல்வித் திணைக்களத்தின் அதிகாரிகளும் பாடசாலைகளில் கண்காணிப்பு பணிகளில் ஈடுப்பட்டனர். தென் கொரியா க்வென்ஜூ மொட்ரோபொலிட்டன் கல்வித் திணைக்களம் மற்றும் கல்வி அமைச்சுக்குமிடையே
ஏற்படுத்தப்பட்டுள்ள ஓப்பந்தத்தின் ஊடாக இலங்கை கல்விப் பிரிவு வளர்ச்சியடைவதற்கு பல கல்வி வேலைத்திட்டங்கள் நடைமுறைப்படுத்தப்படுகின்றது. அந்த ஓப்பந்தத்தின்படி கௌரவ கல்வி அமைச்சர் அகில விராஜ் காரியவசம் அவர்களின் முன்னிலையில் 2016 ம் வருடத்திற்காக மேற்படி கணணிகள் பாடசாலைகளுக்கு வழங்கப்பட்டுள்ளது. 
 
இந்நிகழ்வில் க்வென்ஜூ மொட்ரோபொலிட்டன் கல்வித் திணைக்களத்தின் பிரதான நிர்வாகப் பணிப்பாளர் திரு. லீ ஹொன்க் வே, பிரதான மேற்பார்வையாளர் திரு. சோ ஜுன்க் ஹய்யுன், குழுத் தலைவர் திரு. கிம் கய்யுன்க் ஜின், குழுத் தலைவர் திரு. லீ வென் டோ மற்றும் இணைப்பாளர் மென் ஜுன் ஹய்கொன்க் மற்றும் கல்வி அமைச்சின் தகவல் மற்றும் தொடர்பாடல் தொழில்நுட்ப கிளையின் கல்விப் பணிப்பாளர் திரு. பி. என். அயிலப்பெரும மற்றும் இணை கல்விப் பணிப்பாளர் திருமதி. உதாரா திக்கும்புர மற்றும் பல அதிகாரிகளும் உடனிருந்தனர்.
kuli 1 1kuli 1 3kuli 1 4kuli 1 6kuli 1 7

scho 2நகர்ப்புறங்களில் அமைந்துள்ள வசதிகளுடன் கூடிய பாடசாலைகளில் பிள்ளைகளை சேர்த்துக்கொள்வதற்காக பல காலமாக நாடுமுழுவதும் காணப்பட்ட தீரக்கப்படாத பிரச்சனைக்கு நியாயமாகவும் நடைமுறைத் தீர்வாகவும் கௌரவ கல்வி அமைச்சர் அகில விராஜ் காரியவசம் அவர்களின் கருத்திற்கமைய அருகில் உள்ள பாடசாலை சிறந்த பாடசாலை வேலைத்திட்டம் அறிமுகப்படுத்தப்பட்டுள்ளது. அதற்கமைய நாடு முழுவதும் (ளுஅயசவ ஊடயளள சுழழஅ)  வசதிகளுடன் கூடிய பாடசாலைகளாக அமைக்கப்பட்டு வருவதுடன் இவ்வேலைத்திட்டத்தின் கீழ் இலங்கையில் அதிக மக்கட்தொகையுடைய மாவட்டத்தை மையப்படுத்தி வசதிகள் நிறைந்த தேசிய பாடசாலையை புதிதாக அமைப்பதற்கு நடவடிக்கை எடுக்கப்பட்டுள்ளது. இது நல்லெண்ண அரசாங்கத்தின் வாக்குறுதிகளில் ஒன்றாகும். 
இதன் முதல்கட்ட நடவடிக்கையாக அருகில் உள்ள பாடசாலை சிறந்த பாடசாலை வேலைத்திட்டத்திற்கமைவாக குருநாகலை மகுருஒயவத்தயில் புதிதாக நிர்மாணிக்கப்படவுள்ள  புதிய தேசிய பாடசாலைக்கு அடிக்கல் நாட்டும் தேசிய வைபவம் கௌரவ பிரதமர் ரணில் விக்கிரமசிங்க அவர்களின் தலைமையில் செப்டெம்பர் 2ம் திகதி நடைபெறவுள்ளது.scho 1scho 3

20451595 10155687811219060 830571593839984003 o
கௌரவ கல்வி அமைச்சர் அகில விராஜ் காரியவசம் அவர்களின் கருத்திற்கமைய, 2017 ம் ஆண்டு வரவு செலவு திட்டத்தின் கீழ் கலை மற்றும் படைப்பு துறைகளில் சிறப்பான திறமையை வெளிக்காட்டும் மாணவர்களை ஊக்குவிப்பதற்காக கல்வி அமைச்சின் ஊடாக அறிமுகப்படுத்தப்பட்டுள்ள சுகத புலமைப்பரிசில் வேலைத்திட்டத்திற்கான விண்ணப்பங்கள் நேற்று (ஜுலை 31 ம் திகதி) முதல் கோரப்பட்டுள்ளன.

எதிர்கால சவால்களை வெற்றியீட்டுவதற்காக ஆக்கப்பூர்வமான சந்ததியினரை உருவாக்கிட அவர்களின் திறனை அபவிருத்தி செய்வதுடன், இப்புலமைப்பரிசில் புதிய தயாரிப்புகள், அழகியல் மற்றும் விளையாட்டு போன்ற 3 துறைகளுக்கு வழங்கப்படவுள்ளது. தேர்ந்தெடுக்கப்பட்ட 1000 பிள்ளைகளுக்கு 20 மாதங்களுக்கு 50000/= ரூபாய் பெறுமதியான புலமைப்பரிசில் பகிர்ந்தளிக்கப்படும்.

மேலும் விபரங்களை விண்ணப்பபடிவத்தில் பெற்றுக்கொள்ள இயலும்.

தமிழ்
https://goo.gl/b1JCwe

25311059 10156120811489060 7579439712190301455 o

புத்தகங்கள் கொள்வனவு செய்வதனை கண்காணிப்பதற்கு கல்வி அமைச்சில் விசேட வேலைத்திட்டம்.
 
3,312 பாடசாலை நூலகங்களுக்கு தேவையான வாசிப்பு புத்தகங்களை கொள்வனவு செய்வதற்கான 700 மில்லியன் ரூபாய் நிதியொதுக்கீடு கடந்த நாட்களில் கௌரவ கல்வி அமைச்சர் அகில விராஜ் காரியவசம் அவர்களின் தலைமையில் அலரி மாளிகையில் நடைப்பெற்றது. பாடசாலை நூலகங்களுக்கு  தேவையான புத்தகங்களை கொள்வனவு செய்வதற்கு பரிந்துரைக்கப்பட்ட நூல்களின் பெயர்களும் அன்றைய தினம் முன்வைக்கப்பட்டது. 
 
தற்போது அதிபர் மற்றும் பாடசாலை நூலக குழுவினர் தமது பாடசாலைக்கு தேவையான வாசிப்பு புத்தகங்களை கொள்வனவு செய்வதற்கான வேலைத்திட்டம் ஆரம்பிக்கப்பட்டுள்ளதுடன் அதிபர் ஊடாக அவ்வாறு கொள்வனவு செய்யப்படும் புத்தகங்கள் மற்றும் அதற்கான கொடுப்பனவு குறித்து மீள் பரிசீலனை செய்வதற்கு கல்வி அமைச்சு தீர்மானித்துள்ளது.
 
கௌரவ கல்வி அமைச்சர் அகில விராஜ் காரியவசம் அவர்களின் அறிவுறுத்தலின்படி பிள்ளைகளின் கைககளில் பரிந்துரைக்கப்பட்ட நூல்கள் மட்டுமே காணப்படுகின்றதா மற்றும் சரியான முறையில் நிதி பயன்படுத்தப்பட்டுள்ளதா போன்றவற்றை கண்காணிப்பதற்கும் மேற்படி வேலைத்திட்டம் ஆரம்பிக்கப்பட்டுள்ளது. 
 

ccf 1
மத்திய கலாச்சார நிதியத்தின் முன்னேற்ற ஆய்வு அமர்வுக் கூட்டம் கௌரவ கல்வி அமைச்சர் அகில விராஜ் காரியவசம் அவர்களின் தலைமையில் நேற்று (07) ம் திகதி கல்வி அமைச்சின் கேட்போர் கூடத்தில் நடைப்பெற்றது.

அங்கு கருத்து தெரிவித்த கல்வி அமைச்சர் விலை மதிப்பில்லா பாரம்பரியத்தை எதிர்கால சந்ததியினருக்கு வழங்கும் பாரிய பொறுப்பு தொல்பொருள் திணைக்களத்திற்கும், மத்திய கலாச்சார நிதியத்திற்கும் உள்ளதாகவும் அத்தகைய கடமையைச் செய்யும்பொழுது அந்நிறுவனங்கள் சரியானதொரு ஒருங்கிணைப்புடன் செயல்படவேண்டியது அவசியமாகும் என்றார்.

இந்நாட்டில் மேலும் முக்கிய சில இடங்களை யுனெஸ்கோ உலக பாரம்பரிய பட்டியலில் சேர்ப்பதற்காக தாம் அதன் செயற்குழு உறுப்பினர் என்ற வகையில் தொடர்ந்து போராடுவேன் என தெரிவித்தார். அத்துடன் அத்துறையைச் சேர்ந்த அதிகாரிகள் முகங்கொடுக்கும் பிரச்சனைகளுக்கு உடனடி தீர்வையும் பெற்றுக்கொடுத்தார்.

இச்சந்தர்ப்பத்தில் கல்வி அமைச்சின் செயலாளர் திரு. சுனில் ஹெட்டிஆராச்சி அவர்கள், மேலதிக செயலாளர் திரு. அசோக சிறிவர்தன அவர்கள், தொல்பொருள் திணைக்களத்தின் பணிப்பாளர் நாயகம் கலாநிதி பிரசாந்த மண்டாவல அவர்கள், மத்திய கலாச்சார நிதியத்தின் பணிப்பாளர் நாயகம் கலாநிதி பிரசாந்த குணவர்தன அவர்கள் மற்றும் பல அதிகாரிகளும் கலந்துகொண்டனர்.ccf 2ccf 3ccf 4ccf 6

 

guru 1
அரச சொத்துக்களை மக்களுக்காக அன்றி தமது என பாவித்த அரசியல்வாதிகள் மக்களால் புறக்கணிக்கப்படுவது கட்டாயமாகும். பாடசாலை பிள்ளைகளுக்கு சீருடை வழங்குவதன் ஊடாக நடைப்பெற்ற மக்கள் பணம் வீணாக்கப்படுவதை தடுப்பதற்காக சீருடைப் பற்றுச்சீட்டு வழங்குவதற்கு தாம் நடவடிக்கை மேற்கொள்ளும்போது சில தொழிற்சங்கங்களும் சீருடைப் பற்றுச்சீட்டு வழங்குவது தொடர்பில் எம்மை விமர்சித்தார்கள். எனினும் அதனூடாக அரசாங்கத்திற்கு அதிகப்படியான பணம் மீதப்பட்டதுடன் சீருடையை வழங்குவதற்காக மாணவர்களுக்கு வழங்கும் பற்றுச்சீட்டின் பெறுமதியையும் அதிகரிப்பதற்கு முடிந்துள்ளதென தெரிவித்தார்.

பண்டாரநாயக்க ஞாபகார்த்த சர்வதேச மகாநாட்டு மண்டபத்தில் நேற்று (30) ம் திகதி நடைப்பெற்ற 
தனியார் கல்வி நிறுவனங்களின் ஏழாவது சம்மேளனம் கௌரவ அமைச்சர் அவர்களின் தலைமையில் நடைப்பெற்றபோது மேற்கண்ட கருத்தினை அமைச்சர் கூறினார்.

தமது பிள்ளைகளுக்கு எவ்வகையிலாவது நல்ல கல்வியை வழங்குவதற்கு அனைத்து பெற்றோர்களும் விரும்புகின்ற போதிலும் அதற்காக தனியார் கல்வி நிறுவனங்கள் காட்டும் அக்கறை மதிக்கும்படியாக உள்ளதென கௌரவ கல்வி அமைச்சர் அகில விராஜ் காரியவசம் அவர்கள் அங்கு தெரிவித்தார். பாடசாலை நடைபெறும் காலங்களில் தனியார் வகுப்பறை நடத்துவதற்கு அனுமதிக்கப்போவதில்லை எனவும் நல்லெண்ணம் மிக்க பிரஜைகளை உருவாக்குவதே கல்வியின் நோக்கம் எனவும் சுட்டிக்காட்டினார்.

தற்போது அதிகமாகப் பேசப்படுகின்ற ஹம்பந்தோட்டை துறைமுகத்தினை குத்தகைக்கு விடப்பட்ட விடயம் தொடர்பாக கருத்து தெரிவித்த அமைச்சர், நாட்டிற்கு இலாபத்தை ஈட்டி தருவதற்கான கூட்டு வியாபாரத்தினை ஏற்படுத்தி தொழில்வாய்ப்புகளை உருவாக்கிக்கொடுப்பது அரசாங்கத்தின் பொறுப்பாகும். மேலும் மக்கள் மீது அதிக வரியை சுமக்கும்படியான ஹம்பந்தோட்டை துறைமுகத்தை நடாத்திச்செல்வதற்கு பதிலாக அதனை குத்தகைக்கு விட்டதும், கடந்த அரசாங்கத்தினால் விற்கப்பட்ட கொழும்பு போட் சிட்டி திட்டத்தை குத்தகை ஒப்பந்தத்தின் ஊடாக மீண்டும் நடாத்திச்செல்வதற்கு நடவடிக்கை மேற்கொண்டதும் மக்கள் நலனுக்காகவே என்று அமைச்சர் அவர்கள் தெரிவித்தார்.

காலமுழுவதும் ஆசிரியர் சேவையை மேற்கொண்டவர்களை கௌரவிக்கும்படியாக கௌரவ கல்வி அமைச்சர் அகில விராஜ் காரியவசம் அவர்களால் விருதுகள் வழங்கப்பட்டதுடன் இவ்விழாவில் வடமாகாண ஆளுநர் திரு. ரெஜினோல்ட் குரே அவர்களுடன் பலரும் கலந்துகொண்டனர்.

guru 2guru 3guru 4guru 5guru 6guru 7guru 8guru 10guru 11guru 12guru 13guru 14guru 17guru 19

 

25438785 10156120786069060 6639061854730659329 o

பாடசாலை மாணவர்களுக்காக இலவசமாக வழங்கப்படும் பாடசாலைச் சீறுடை வவுச்சர்களை கையளிக்காமல் அதற்கு பதிலாக துணியாகவோ அல்லது வேறு மார்க்கங்களை மேற்கொள்ளும் அதிபர்களுக்கு எதிராக கடுமையான நடவடிக்கை மேற்கொள்ளப்படுமென கௌரவ கல்வி அமைச்சர் அகில விராஜ் காரியவசம் அவர்கள் அதிகாரிகளுக்கு பணிப்புரை வழங்கியுள்ளார். 
 
இன்று வெளியாகிய சில பத்திரிக்கை அறிக்கைகளை மேற்கோள்காட்டிய கல்வி அமைச்சர் சில கல்வி வலையங்களில் வவுச்சருக்குப் பதிலாக துணிகள் வழங்கப்பட்டன என்றும் சீறுடை வவுச்சர்களை வியாபாரிகளுக்குள்ள தீர்வின் ஊடாக பாடசாலை அபிவிருத்தி சங்க முத்திரைகளை பதிப்பது குறித்த அறிக்கைகள் கிடைக்கப்பட்டுள்ளது. 
 
அதிபர்களின் பொறுப்பு சீறுடை துணி வவுச்சர்களைக் கொண்டு மாணவர்கள் தாம் விரும்பும் கடைகளுக்குச் சென்று கொள்வனவு செய்யக்கூடிய சந்தர்ப்பங்களை ஏற்படுத்திக்கொடுப்பதேயாகும். வியாபார நிலையங்களை ஊக்குவிப்பதோ அல்லது கொள்வனவு செய்வதற்காக மாணவர்களை ஊக்கப்படுத்துவதற்கோ அதிபர்களுக்கு அதிகாரம் கிடையாது எனவும் அவ்வாறான செயல்களுக்கு கடுமையான நடவடிக்கை மேற்கொள்ளப்படுவது உறுதி. 

sudarma 2குளியாப்பிட்டிய தண்டகமுவ சுதர்மாராம புராதன விகாரையின் தர்மசாலை புதுப்பித்தல் மற்றும் பாதுகாப்பு நடவடிக்கைகளுக்குப்பின் சம்புத்த சாஸனத்திற்கு பூஜை செய்தல் கௌரவ பிரதமர் ரணில் விக்கிரமசிங்க அவர்களின் தலைமையில் செப்டெம்பர் மாதம் 2 ம் திகதி நடைபெறும். இதில் கௌரவ கல்வி அமைச்சர் அகில விராஜ் காரியவசம் அவர்களும் கலந்துகொள்வதுடன் விளக்கேற்றும் வைபவமும் நடைபெறும். மேற்படி விகாரையின் புதுப்பித்தல் மற்றும் பாதுகாப்பு நடவடிக்கைகளுக்காக மத்திய கலாச்சார நிதியத்தினூடாக எட்டு மில்லியன் ரூபாய் ஒதுக்கப்பட்டுள்ளது. தேசிய பெறுமதிமிக்க இப்பழமையான விகாரையை எதிர்கால சந்ததியினருக்காக பாதுகாப்பது தேசிய கடமையாவதுடன் மத்திய கலாச்சார நிதியத்தினூடாக சுமார் 12000 விகாரைகள் புதுப்பிப்பதற்கு நடவடிக்கை மேற்கொள்ளப்பட்டுள்ளது. 

libryபாடசாலைகளில் கல்வி கற்கும் ஒரு மாணவன் வாசிப்பதற்கென குறைந்தது 10 புத்தகங்களாவது இருக்கவேண்டும் என்பது சர்வதேச தேர்வுமுறை. அதற்கமைவாக எதிர்வரும் 5 வருடங்களுக்குள்ளாக பாடசாலைகளில் நூலக பாவனையை 50%  வீதத்தால் உயர்த்துவதற்கான விசேட வேலைத்திட்டமொன்றை தயாரிக்குமாறு சம்பந்தப்பட்ட அதிகாரிகளுக்கு கௌரவ கல்வி அமைச்சர் அகில விராஜ் காரியவசம் அவர்கள் ஆலோசனை வழங்கியுள்ளார். ஒவ்வொரு கட்டமாக “அருகில் உள்ள பாடசாலை சிறந்த பாடசாலை” வேலைத்திட்டத்தின் கீழ் 3200 பாடசாலைகளுக்கு நூலக புத்தகங்கள் பெற்றுக்கொடுப்பதற்கென 700 மில்லியன் ரூபாய் வழங்கும் வேலைத்திட்டம் நடைமுறைப்படுத்தப்பட்டுள்ளது.

Search